US LA VAL
 
 
     
 

8ª partida de campionat - Val Badia

Stampa PDF

_MG_925277

La Val Badia castighëia a dovëi le La Val tla secunda pert dla partida.






Tl pröm derby ladin por La Val cuntra la formaziun dla Val Badia, castighëia chësta ultima a dovëi i ghesc tl secundo tëmp y fej balé bëgn cater iadi la rëi aversara. La buna prestaziun dl La Val dla prüma pert se destüda ia do la palsa, i aversars anuzëia insciö la deblëza por mët al sigü la prüma devënta.

Al 10^ preparëia Alex E. la trata dal ciantun por Micky che se presentëia sú dan porta, süa trata é indere massa alta y röia sura porta fora. Püc menüc plö tert anuzëia le capitan dla VB Matthias Stampfer l’incomprensciun anter le mezciamp y la defenjiun dl La Val por antizipé le palé y jí sú cuntra porta, la trata röia indere de püch dlungia ia. Al 30^ ti tôl le capitan dl La Val Stefan le palé amez ciamp y pro la trata dal limit, le verdaporta René mess se destrà por deloj te ciantun. Atira la gran ocajiun por le La Val: Michele preparëia amez en bel palé, Stefan röia ala trata bassa che rebat indere cuntra la stangia de porta. En aversar por tramres formaziuns è dessigü ince la vent sterch, che condüj le palé te vigni direziun.


Cun le dopl sciür dl’arbiter se röia le prüm tëmp sön le 0-0.


Tla secunda pert passa le sceter dla partida tles mans dla Val Badia, cun deplö determinaziun röia i sogadus te ciamp a mët sot a presciun la formaziun di ghesc. Bele al 50^ le vantaje: Sön trata dal ciantun vëgn le sogadú Lorenzini lascé sú y à ma plö bria de apogé le palé cun le ce te porta. Püch plö tert al 60^ é la puniziun dl capitan Stampfer dal ciantun dl’area indirizada cuntra le pé lunch de porta, le palé nia antizipé röia insciö te rëi. Le La Val se stënta a se sbloché y i padruns anuzëia ciamó la deblëza por aumenté le vantaje: al 80^ röia le palé arlungé sön le pé dl’atacant Schrott che pó jí sú cuntra porta, la trata bassa sot i pisc de Sepl i scinca le terzo gol che ti taia les giames al La Val. Le cuarto y ultim gol al 90^: le palé preparé amez vëgn rebatü te porta da Lorenzini che sighlëia insciö süa doplëta. En derby da desmentié por La Val che mëss ciaré de tra fora i punc pro les ultimes partides por ne resté nia zeruch.


Val Badia – La Val 4-0


Formaziun La Val: 1. Sepl Kantioler, 2. Christian Terza, 3. Egon Frenes, 4. Paolo Vallazza, 5. Marco Castlunger, 6. Christian Dapoz, 7. Michele Campei (dal 70^ Felix Nagler), 8. Micky Frenes (dal 70^ Andreas Verginer), 9.Alex Elzenbaumer, 10. Stefan Sottara – capitan, 11. Daniel Frenes (al 75^ Patrick Miribung)


Proscima partida: La Val süga en sabeda dales 16:30 a La Val le derby cuntra Al Plan


Atri resultac:

Juniores Pool (La Val): La Val - Val d'ega 1-1

Aliefs (Al Plan): Mareo - Vahrn 1-4

U-13 (La Val): Val Badia - La Val 8-0

U-10 (La Val): Falzes - La Val 3-2

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©