US LA VAL
 
 
     
 

10ª partida de campionat - Valdaora

Stampa PDF

_MG_925277

Nianca le Valdaora ne era jüda da storje. I ladins é ma bugn da remunté in pert le svantaje pesoch.





En aversar asvelt da capí y anuzé les dijatenziuns dla formaziun da La Val por castighé a dovëi. Insciö era stada l’ultim fin dl’edema a Valdaora daulache i padruns de ciasa mët trëi iadi le palé te porta. Al La Val ti mancia spo le tëmp de remunté le resultat, ince sce an ti foss prësc stà.

Bele al 7^ toma le pröm gol dla dumënia, defora dal limit dl’area fej pié ia l’atacant dl Valdaora na trata sëcia che röia de püch sot la stangia ite te porta. La Val se descëda tosc y fej le jüch. Dal limit controlëia Stefan le palé y imped trá passa chësc le palé a Daniel F. da na pert che pro la crossada, indere architada sö dala defenjiun. Püch do al 20^ pëia ia Alex da na pert ite cuntra porta y pro le palonët, le palé devié rimbalzëia dui iadi sön la stangia de porta por jí fora. Ala mesora se fej le Valdaora prigorus, naota cun na trata a bót sigü che rebat cuntra la stangia de porta, püch dô na trata dl’atacant sú dan porta che röia indere ince dlungia ia. Al 41^ anuzëia i aversars na dijatenziun dla defenjiun por tra le palé sön porta, en sogadú da La Val ó tra demez le curan mo te n cajin röia le palé te porta por le dopl vantaje. Dal’atra pert pro ciamó Christian cun le ciamp de indirizé na bela trata tl’incrujiada de porta che ti gareta ince, le portier é indere reatif y deloj te ciantun.

Le secundo tëmp mët man atira cun l’arbiter che ti mostra le cherta cöcena a Michele C., sön na passaja filtranta röia l’atacant sú dan area, Michele mët le pé amesa les giames dl’aversar cun la conseguënza dla desgorta dal ciamp. La trata de puniziun rebatüda röia da na pert fora y l’atacant pro ciamó da crossé amez, le palé antizipé da Sepl ti sciampa fora dles mans y Steinmair Dominik dl Valdaora á ma plö bria de apogé te porta. Ince sce ma plö in diesc te ciamp ne mola nia i ladins y röia a segné le prüm gol sön na crossada al 74^: Stefan controlëia le palé y tira bass dlungia le portier ite. Al 84^ é Alex al limit che interzetëia na ripartënza y vega na trata sterscia tl set de porta, le portier ne é nia bun de ruvé a paré. I ultims menüc ne basta nia por ruvé a avalié le resultat y cun tripl sciür fej le mandl fosch ruvé la partida. Dessená cun sé instësc lascia i ladins le ciamp cun la saú antia de na partida sciurada ia.


Valdaora – La Val  3-2


Formaziun La Val: 1. Sepl Kantioler, 2. Christian Terza, 3. Michele Campei, 4. Marco Castlunger, 5. Paolo Vallazza (al 70^ Egon Frenes), 6. Christian Dapoz, 7. Max Nagler (al 80^ Felix Nagler), 8. Franz Tolpeit, 9. Alex Elzenbaumer, 10. Stefan Sottara – capitan, 11. Daniel Frenes (al 60^ Michael Frenes)

Goi La Val: Stefan Sottara al 74^ y Alex Elzenbaumer al 84^


Proscima partida: La Val süga en duman sabeda dales 14:30 a La Val cuntra le Hochpustertal


Atri resultac:

Juniores Pool (La Val): La Val – Feldthurns 1-3

U-13 (La Val): La Val – Kronteam 1-8

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©