US LA VAL
 
 
     
 

11ª partida de campionat - Hochpustertal

Stampa PDF

_MG_925277

La Val ne anuzëia nia l’ultima ocajiun da fa punc y ti lascia tó para la devënta ai pustri.





En resultat megher chël dl’ultima partida, sciöche ince la soma di punc racuiüs tratan la sajun da d’altonn. Insciö ti era jüda al La Val tla prüma pert dl campionat, datrai al mancé la prestaziun, datrai al mancé la fortüna. Denant jí tla palsa da d’invern é ciamó ruvé le Hochpustertal a La Val, i aversars anuzëia les püces ocajiuns por segné trëi goi, che ti basta por la devënta.

Bele al 4^ arjunj i aversars le vantaje sön na dijatenziun tla defenjiun ladina, l’ atacant röia insciö sú dan le portier y á ma plö bria de trá cun prezijiun dlungia le pé de porta bass ite. Al ne é nia le prüm iade che la formaziun ladina se ciafa le gol ti prüms menüc y mëss insciö ciaré de remunté le resultat. Do la duscia frëida se descëda spo i ladins y mët man de sughé le palé. Plö iadi röia le palé te area aversara mo intres mancel la determinaziun por spizuré le curan te porta. Dan le pröm tëmp ciamó en ocajiun prigorosa dl Hochpustertal, sön na trata de punziun röia le sterch defensur a rebat de ce cuntra porta, chiló á Sepl la miú reaziun por desfanté le palé.

Ti prüms menüc dla secunda pert conzed l’arbiter jonn en önescmetri daldöt nia esistënt, l’ atacant aversar se fej lerch cuntra porta mo vëgn ciamó archité dal defensur cun n intervënt do regola, por l’arbiter é indere le fal evidënt da mascima punizun. Tles protestes di sogadus y i scrai dl’arbiter trasformëia Bosa le önescmetri. Do le gol se fej le norvosism dassënn sintí. Al 68^ röia en palé arlungé te area ladina, le defensur pro de antizipé de ce mo röia a devié le curan cun la man, la mascima punziun iüsta in chësc iade vëgn indo trasformada dal medemo Bosa. Püch do röia Adrian te area pustra y vëgn contrasté, l’arbiter che msass ester imparzial, ne conzed indere nia le önescmetri evidënt. Insciö se scialda ciamó de plö la partida y mët la conzentraziun di ladins a düra proa. Impó ti garetel le gol dla bandiera ai padruns de ciasa, sön na crossada de Terza röia micky a spizuré le palé de ce te porta. Al 85^ l’aziun aversara é prigorosa y fej ruvé le palé da na pert ite cuntra porta, l’atacant sú dan porta ne atoca nia bun y tira dlungia ia. L’ultima ocajiun dl La Val por daurí ciamó la partida al 87^: Felix N. ciafa le palé a püc metri dan porta, al pro la trata bassa che vëgn indere parada dal’un dl Hochpustertal. Püch do, cun i scrais dl publich y le marcé te ciamp, fej l’arbiter ruvé i nonanta menüc de jüch. Cun chësta pordüda se pozionëia La Val cun cater punc al’ultim post de tlassifica. Sëgn pó i sogadus jí tla palsa da d’invern a recuperé nöies forzes y se preparé ala desfida dla sajun de retüda.


La Val – Hochpustertal  1-3


Formaziun La Val: 1. Sepl Kantioler, 2. Christian Terza, 3. Egon Frenes, 4. Christian dapoz, 5. Marco Castlunger, 6. Franz Tolpeit (al 35^ Felix Nagler), 7. Max Nagler (al 75^ Adrian Miribung), 8. Alex Elzenbaumer, 9. Frenes Michael, 10. Stefan Sottara – capitan, 11. Daniel Frenes (al 70^ Patrick Miribung)


Gol La Val: Michael Frenes al 82^

Atri resultac:

Juniores Pool (La Val): Ulten– La Val: 4-3

Aliefs (Mareo/La Val): Mareo – Stegen: 1-5

U-13 (La Val): Natz – La Val: 3-0

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©