US LA VAL
 
 
     
 

1ª gara de Südtirolcup 2019

Stampa PDF

Unbenannt

La sajun di liöstri é indo daverta, i atlec de lüsa alta s’á mosoré pro la prüma competiziun de chësc invern: la gara de Copa de Südtirol a Lungiarü, olache i bugn resultac ne é nia mancià.

 

 

 

 

 

La pröma competiziun che deura la sajun nöia 2018/19 de lüsa alta é gnüda tignida chësc ultim fin dl’edema a Lungiarü, al se trata dla prüma dles trëi gares de Copa de Südtirol, trofé dër combatü y urü anter i atlec de lüsa alta de Südtirol. N gran l’âlt al comité d’organisaziun por le gran laur a arjigné ca na pista de condiziuns otimales por garejé

Da alzé fora te chësta gara i prüms bugn tëmps garatá di ladins.

I atlec ladins à indo desmustré de ester stersc mostran sö chisc plazamënc: tla categoria dles ëres Junior se posizionëia Nagler Luisa da Lungiarü al 5. post. Tla categoria dles ëres senior aspiranc pó l’atleta da La Val Shamira B. mostré sö le 3. post. Le medemo post pó mostré sö Brunner Philipp tla categoria di aliefs. Ater bel resultat arjunj Clara Dominikus da Lungiarü tla categoria master B1 cun le prüm post, tl medemo grup arjunj Tavella Robert da La Val le 4.post. Mirbung Carlo da La Val se posizionëia deperpo tla categoria B1 al 6. post.

Le miú tëmp tla categoria master A mostra sö Diego Tschaffert da La Val (1’01.83), püch do le miú tëmp dl de, arjunt dal talënt da Lijun Kaser Roman (1’01.51).

A se tó na bela sodesfaziun è dessigü le jonn atlet da La Val Alex Ploner, che abina la medaia d’arjënt tla categoria Juniores.

 

GARES JONILES RAIFFEISEN

Le Raika Jugendcup é na competiziun partida sö te cater gares olache al tôl pert mituns dai 6 ai 14 agn che vëgn partís sö de deplö categories. Al vëgn garejé sides cun lüsa alta y sides cun lüsa basa. La pröma dles cater competiziuns è gnüda tignida a Valdaora l’ultima sabeda, daulache i atlec jogn da La Val à partezipé y pó mustré sö chisc bugn resultac:. Peccei Lara (1. post scolares), Frenes Elisa (4. post), Miribung Elena (5. post), Campei Miriam (6. post), Moling Matthias (1. post, scolari -ëi), Alton Elias (6. post), Ties Michael (9. post), Frenademez Raffael (6. post), Frenes Oliver (8. post), Chiusura Matthias (9. post).

 

Resultac, tlassifiches y atres informaziuns plö detaliades pon consulté sot la plata  http://www.sportrodel.it/

 

I atlec se conforta bele ala secunda gara por la Copa de Südtirol, che gnarà tignida in chësc fin dl’edma a Valdaora, deperpo che la secunda gara jonila se spustarà a Lijun ai 27 de jenà. Tl program rich de gares de chësta sajun gnaral ince tigní i campionac europeics de lüsa alta y lüsa da fëgn, evënt particular, che gnarà organisé dal’Uniun dl Sport da La Val en colaboraziun cun Lungiarü, plö avisa anter i 8 y 10 de furà 2019. A düc i atlec ti aodunse düt le miú por la nöia sajun 2018/2019 che ëra portes a ciasa de beles devëntes sciöche chëra dal ann passé.



I plazamënć dla pröma gara de Südtirolcup: risultati Südtirolcup

 

 


 

 

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©