US LA VAL
 
 
     
 

Campionac taliagn a Funes

Stampa PDF

IM_Villnss_19-20.01.2019-322

Le scenar dla lüsa alta se é sposté tratan l’ultim fin dl’edma a Funes sön la pista “Ranuier Rungg”, ulach al é gnü tigní in campionac taliagn.

 

 

 

 

 

 

 

Funes – I campionac taliagn é uramai n apuntamënt tradizional dl sport dla lüsa alta. In chësc ann é la seziun dla lüsa da Funes che s’à tut sö l’impëgn de organisé la competiziun. Les temperatüres frëides ne ti à fat degüna tëma ai atlec, che s’á presenté al start cun determinaziun por se davagné le titul nazional.

Protagonist dl evënt y plö asvelt dl de é le jonn atlet da Lijun Roman Kaser, che dominëia la pista mostran sö le tëmp de 2’00.87. Le campiun talian da l’ann denant, l’ atlet Diego Tschaffert da La Val, mëss s’acontenté cun le 6. post assolut, mostran sö le tëmp de 2’03.43. Na bela sodesfaziun se tol l’atlet Alex Ploner, che röia al travert cun le tëmp de 2’03.84 y se posizionëia al 8. post asolut.

Na bela sodesfaziun pó se tó l’atleta da Lungiarü Nagler Luisa, ruvan a pié do la medaia de brom tla tlassifica asoluta dles ëres (2’09.83). La plö asvelta é chiló Theresa Hilpold da Pfeffersberg, che defënn le titul talian cun le tëmp de 2’06.85.

En ocajiun éle ince gnü tigní i campionac taliagn di jogn, daulache plö jogn talënc ladins á podü tra le salt sön podest: pro la categoria U-12 di mituns é le jonn atlet da La Val Matthias Moling che à la miú te söa categoria, Ties Michael rüva chilò al travert cun le 6. miú tëmp. Pro la medema categoria dles mitans ti va l’ or cun gran sodesfaziun a Lara Peccei da La Val.

Tla categoria di mituns sot i catordesc agn se posizionëia l’atlet Frenes Oliver da La Val al buniscimo 3 post, Brunner Philipp al 5. post y Frenademez Rafael al 7. post. ,Tla medema categoria dles mitans fej Miribung Elena le 5. post y  Campei Miriam le 7. post.

Sëgn á i atlec na picia palsa, denant che ara jarà inant cun i campionac europeics, metüs a jì tratan le fin dl’edema dai 08 ai 10 de furà dal’Uniun dl Sport La Val en colaboraziun cun Lungiarü.



I plazamënć dla pröma gara de Südtirolcup: risultati

 

 

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©