US LA VAL
 
 
     
 

Campionac provinziai - Jaufental

Stampa PDF

Samstag_LM_Jaufental-479

Do i campionac europeics dl’ultim fin dl’edma s’à sposté le scenar dla lüsa alta tl Jaufental, daulache al é gnü tigní i campionac provinziai. I ladins slomina a or mostran sö i miús tëmps

 

 

 

 

 

Lüsa – I campionac provinziai é uramai n apuntamënt tradizional dl sport dla lüsa alta. In chësc ann é la seziun dla lüsa da Jaufental che s’à tut sö l’impëgn de organisé la competiziun. I atlec á podü garejé sön la nöia pista “Tonnerboden”, arjignada ca por les competiziuns di liöstri bele l’ann da denant. I plö asvelc tla finala dla dumënia é sta i ladins, che pó mostré sö na schira de bugn resultac individuai.

Protagonist asolut dl fin dl’edma é le vizecampiun europeich Diego Tschaffert da La Val, che dominëia la nöia pista mostran sö le miú tëmp dl de,  1’53.89. La fomena Brunner Shamira fej ince só le or, tla categoria dles ëres era la plö avelta cun le tëmp de 2’00.68. Pro i atlec plö jogn dla lüsa é ince Peccei Lara che pó tra le salt sön podest a pié do la medaia d’or, só tëmp de 2’02.77 è le miú te süa categoria. La medema sodesfaziun se tôl le jonn Moling Matthias, le tëmp de 2’07.00 ti vêl le or.

Capaze pó ince ester Alex Ploner da Pidrô, che ti sciampa dant a cotanc de concorënc y se posizionëia al terzo post final cun le tëmp de 1’57.48. Luisa Nagler da Longiarü röia tla medema posiziun tla categoria dles juniores cun le tëmp de 2’04.65. Sön le terzo scalin dl podest röia ince Frenes Elisa y Brunner Philipp tla categoria di aliefs. Chisc i atri resultac: 6. Campei Miriam (alieves), 8. Miribung Elena (alieves), 4. Post Alton Elias (scolari), 9. Ties Michael (scolari) y Tavella Robert (master b1).

Sciöche ultim gran resultat é le prüm post dla tlassifica generala dla scuadra di jogn da La Val!

Bele indo chësta sabeda vëgnel garejé por la finala de Copa de Südtirol a Deutschnofen, deperpo che la dumënia se mosöra i atlec plö jogn tla terza gara jonila “Raika” indo sön la “Tonnerboden” de Jaufental.



I plazamënć di campionac provinziai: risultati

 

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©