VII° Memorial: Gara de schi alpinism y lüsa sön Armentara - 10.03.2019
L' Uniun Sport Amatoriala da La Val organisëia la domënia ai 10 de merz 2019 la setima ediziun dla gara de Schi Alpinism y lüsa sön Armentara, en record de Alexander Ellecosta y Manuel Moling.
La gara de Schi Alpinism pëia ia sura Spëscia y rüva al travêrt sö dala ütia "Ranch da André". Por chi che ó la tó plö cun calma él preodü na categoria a pêrt, te chësc grup fej pêrt i concurënc che ó jì a pé.
Por la gara dla lüsa él preodü le start dales 10:00 sön Armentara denant co ruvé sö dala ütia.
Dessot in cürt le program dl de:
- 08:00 - 09:00 Al bar Sport: ritiré le numer y iscriziuns
- 10:00 Start da Spëscia por la gara de schi
- 10:00 Start da Armenatara por la gara dla lüsa
- 12:00 Santa Mëssa sö dal "Ranch da Andrè"
- 13:00 Marëna
- 14:00 Premiaziun cun intratenimënt musical
La cuota d'iscriziun é de 15€
Düć é dër bel inviá a tó pêrt al evënt. Ince por chi che ne fesc nia la gara él na bela poscibilité da stè adüm y se fá en bel rait cun la lüsa dedô. Al gnará ince premié le tëmp ideal.
Se aspetun in tröc!!!.
