US LA VAL
 
 
     
 

1ª partida de campionat rit. - Sest

Stampa PDF

_MG_925277

Gran nervosism tla prüma partida de retüda. Le Sest á la miú y al ti basta un en gol por concuisté i prüms trëi punc.





Ince la scuadra da La Val á scomencé la sajun de retüda tl rode C de 2 categoria. Na bela desfida por düt le grup, che do la sajun d’altonn debla y le ultim post de tlassamënt, mëss se refá por se concuisté la salvëza. Por chësc fin él ince gnü mudé le alenadú: a surantó la direziun dla scuadra é Luca Massa, che alenëia bel le grup da jená incá por le campionat d’aisciüda. Tl’ultim fin dl’edema s’á mosoré i ladins a Valdaora cuntra la Sest tla prüma partida. Nonanta menüc combatüs, ala fin ti bastel ai padruns de ciasa un en gol sú por fa süa la devënta.

Bele ti prüms menüc se fej l’emoziun dla prüma partida sintí, i palés ne vëgn nia controlá bun y i sogadus é de tröp fora de posiziun. La Val stenta a costruí le jüch y mess subí la presciun dl Sest che abina le vantaje al 24^. Le sogadú Lanzinger concuisteia en palé pordü y se met sön trú cuntra porta, dal limit dl’area fejel pié ia na trata bassa a bót sigü dlungia le pé de porta ite. Do la scassada se desceda i ladins y vegn prigorusc cun Alex E., che dribleia la defenjiun y pro la trata diagonala cuntra porta, le curan indere ne ó nia jí ite y rebat cuntra la stangia de porta. Püch do abina Michele na bela trata al jore al limit, che röia indere zentrala cuntra porta y insciö tles mans dl portier. Ince l’arbiter fej le só por scialdé sö i sogadus, al met man de partí fora amoniziuns senza giustifiché la dezijiun y perd bel plan le control dla direziun. Chesc fej gní i sogadus ciamó plö nervusc y te ciamp vegnel ma plö scraié. Le sciür dla fin dl prüm temp destüda ia por en mument le marcé.

Tla secunda pert aministreia i ladins miú le palé y pó ince insciö porvé val aziun. Impó é la defejiun pustra tla derta posiziun por desfanté i inserimenc di atacanc. Al 77^ röia l’atacant te area y vegn contrasté dal defensur ladin, atira sciüra la arbiter y mostra sön le punt di önescmetri. Les protestes ne jô a nia y le capitan dl Sest tol le palé por la mascima puniziun. Sepl è chiló reatif y lî le moviment dl’aversar por se destrá a paré la trata. Ti ultims menüc de jüch él le marcé impé te ciamp, cun les parores ne vegnel nia sparagné y le cajin ti tôl la conzentraziun ai sogadus. I ladins manacia impó ciamó al’ultim de paregé la partida. Sön na trata dal ciantun röia Stefan sön le palé mo la trata al jore é massa alta y röia sura fora. Nia da nen fa por i prüms trei punc, che röia te sach dl Sest do na partida cun püch jüch y caraterisada dal nervosism te ciamp y fora de ciamp.


Sest – La Val 1-0


Formaziun La Val: 1. Sepl Kantioler, 2. Michele Campei (dal 87^ Adrian Miribung), 3. Luca Pescollderung, 4. Paolo Vallazza, 5. Marco Castlunger, 6. Christian Dapoz, 7. Max Nagler (dal 90^ Christian Terza), 8. Daniel Frenes, 9. Micky Frenes (dal 58^ Egon Frenes), 10. Stefan Sottara – capitan, 11. Alex Elzenbaumer

Alenadú: Luca Massa

Atri resultac:

Juniores Pool (La Val/Mareo/Rina/Val Badia): La Val – Plose: 1-0

Aliefs (Mareo/La Val): Barbian– Mareo: 6-0

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©