US LA VAL
 
 
     
 

3ª partida de campionat rit. - San Laurënz

Stampa PDF

_MG_925277

La Val arjunj süa prüma devënta tan chirida cun bëgn cater goi de vantaje cuntra le San Laurënz.





En domisdé d’aisciüda cialdin à fat da cornisc ala terza partida de retüda, daulache i ladins s’à musuré cuntra le San Laurënz fora de ciasa. En resultat important por l’andamënt dl campionat, che ti pormët insciö a La Val de resté al vare por la salvëza.

Ala cherd’ora toma bel le pröm gol, plö avisa al 12^. Cun na passaja dal mezciamp röia Daniel F. al limit dl’area y pro le palonët al portier che ti gareta ince. Trëi menüc dedo vëgn spo Micky sorví indo dal mezciamp cun na passaja a giré sura la defenjiun ite, le medemo à ma plö bria de spizuré le curan bass dlungia le portier ite. Nianca le tëmp da esulté che al 18^ segnëia Micky süa doplëta cun en lunch palonët dal ciantun dl’area sön le pé lunch de porta. Sot a le sorëdl lorënt se stënta i sogadus a rompí le flé y a tra fora les forzes sön le ciamp posoch, a chël che i ladins ne é nia daldöt ausá. Impó ne é nia i aversars prigorusc y tosc se röia le pröm tëmp cun le vantaje ladin.

Tla secunda pert alza le San Laurënz la formaziun y costruësc ince val bela aziun cuntra la porta ladina. Les trates vëgn indere architades sö cun segurté dal portier Sepl. Al 55^ è indere l’atacant aversar che pro la trata lungia dal ciantun de area, che rebat avisa sön le pé de porta. Püch do é indo na trata aversara che rebat in chësc iade sön la stangia de porta. La formaziun de Massa tira ciamé fora les ultimes forzes por tigní alt le palé. Insciö ti ultims menüc vëgn Martin P. sorví dal mezciamp, sú dan le portier prol la trata bassa che vëgn indere interzetada dal numer un. Le gol che ti taia definitivamënter les iames al San Laurënz toma spo al 80^, canche Franz se fej lerch tla defenjiun y tira cuntra porta, le palé devié de püch dal defensur é fatal por le portier, che mëss ciaré sciöche le palé cogurëia te porta. Na dëventa miritada y suradüt importanta por le grup, che pó insciö ciaré inant cun determinaziun a les proscimes partides.


San Laurënz – La Val  0-4


Formaziun La Val: 1. Sepl Kantioler, 2. Marco Sottara (dal 66^ Egon Frenes), 3. Luca Pescollderung, 4. Christian Dapoz, 5. Paolo Vallazza, 6. Castlunger Marco, 7. Micky Frenes (dal 77^ Adrian Miribung), 8. Christian Terza (dal 58^ Max Nagler), 9. Alex Elzenbaumer (dal 82^ Martin Ploner), 10. Stefan Sottara – capitan), 11. Daniel Frenes (dal 65^ Franz Tolpeit)

Goi por La Val: 12^ Daniel Frenes, 16^ y 18^ Micky Frenes, 80^ Franz Tolpeit

Proscima partida: La Val süga süa proscima partida induman sabeda dales 16:30 te ciasa cuntra le Steinhaus

Atri resultac:

Juniores Pool (La Val/Mareo/Rina/Val Badia): La Val – Falzes: 4-0

Aliefs (Mareo/La Val): Mareo – Vahrn: 1-2

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©