US LA VAL
 
 
     
 

4ª partida de campionat rit. - Steinhaus

Stampa PDF

_MG_925277

La Val lascia udëi pücia determinaziun cuntra en aversar che á anuzé bun les dijatenziuns di sogadus ladins. Al Steinhaus ti bastel insciö un en gol por se porté i trëi punc fora en puster.





La Val lascia udëi pücia determinaziun cuntra en aversar che á anuzé bun les dijatenziuns di sogadus ladins. Al Steinhaus ti bastel insciö un en gol por se porté i trëi punc fora en puster.

Na partida caraterisada da valgünes dijatenziuns dla formaziun ladina, che é sta fatales por le resultat final. Insciö ti gareta al aversar la devënta sön le ciamp a La Val, che ti pormët de consolidé le post alt de tlassamënt.

Tla prüma mesora se stënta i padruns de ciasa a imposté le jüch, intres röia l’aversar denant sön le palé y partësc fora bun i palés ai cumpagns sön les perts. Plö iadi manacia la scuadra de subí le gol sön situaziuns standard, sciöche sön la trata dal ciantun ala cherd’ora, ulache l’atacant abina le palé de ce cuntra porta, chiló é indere le portier Sepl reatif a devié indo te ciantun. Al 37^ é na dijatenziun dl mezciamp che ti purmët al’atacant puster Künig de davagné le palé y tra cuntra porta dal limit, le curan devié dala defenjiun fej ruvé Sepl fora temp por tigní sö la trata, che röia de püch sot la stangia de porta ite. Dan la fin dl pröm temp röia ciamó Egon sön le ciantun dl’area y pro la trata cuntra porta, che röia indere de püch dlungia le pé lunch ia.

Tl meteman dla secunda pert röia le Steinhaus ciamó plö sterch co denant te ciamp y manacia bel tl prüm menüt de segné le dopl vantaje: la trata bassa diagonala rebat daimprüma sön le pé de porta y spo cuntra Sepl, chesc è indere bun de archité sö le curan al’ultim, denant che al passes la riga blancia de porta. Püch do cuntra atacheia i ladins cun Micky, le palé arlungé dal mezciamp röia sön só pé mo la trata é massa secia y röia sura porta fora. Le temp por recuperé le svantaje vegn tres manco y insciö vegn ince inserí en atacant inplö por dé sostegn. Le mür defensif é indere al’alteza de tigní sö vigni inseriment dl’atach ladin cina l’ultim menüt. I padruns de ciasa ne é nia bugn de avalié le resultat y mess insciö dlutí na ria pordüda dan le publich de ciasa.


La Val – Steinhaus  0-1


Formaziun La Val: 1. Sepl Kantioler, 2. Luca Pescollderung, 3. Frenes Egon, 4. Christian Dapoz (dal 55^ Franz Tolpeit), 5. Paolo Vallazza, 6. Castlunger Marco (dal 80^ Martin Ploner), 7. Micky Frenes (dal 77^ Adrian Miribung), 8. Christian Terza (dal 58^ Max Nagler), 9. Alex Elzenbaumer, 10. Stefan Sottara – capitan), 11. Daniel Frenes

Proscima partida: La Val süga süa proscima partida in dumënia dales 16:00 ia en Lijun cuntra la scuadra de ciasa

Atri resultac:

Juniores Pool (La Val/Mareo/Rina/Val Badia): Hochpustertal – La Val: 0-3

Aliefs (Mareo/La Val): San Laurënz – Mareo: 1-3

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©