US LA VAL
 
 
     
 

5ª partida de campionat rit. - Lijun

Stampa PDF

_MG_925277

Le Lijun castighëia a dovëi i ladins y consolidëia insciö le primat de tlassifica.





Le La Val incunta sön só trú le Lijun, scuadra jona che comana al mumënt le rode C dla categoria, cun bëgn 46 punc y degünes pordüdes da mostré sö. La scuadra jona anuzëia a dovëi les ocajiuns por castighé le La Val, che mëss su jí derevers a ciasa a mans ötes.

I ladins se presentëia te ciamp indere sënza tëma y cun determinaziun. I prüms vint menüc de jüch concuistëia la formaziun de Massa i plö palés y sciafia de imposta cotan de aziuns. Al 37^ indere sön na trata dal ciantun aversara ti sciampa Fedespieler al marcadú y cun na trata de forfesc portel la Lijun in vantaje. Püch do, al 43^ é la combinaziun a mezciamp fatala por i ladins, la passaja röia a Kaser che se mët le palé sön le pé dërt por tra a bót sigü te porta. Dan le sciür se delibrëia Daniel y mët le palé amez, che vëgn indere nia anuzé dai cumpagns.

Dal mëteman dla secunda pert crossëia Daniel amez por Stefan che pro le stach de ce cuntra porta, le curan rebatü röia indere sura fora. Atira do anuzëia le medemo na passaja por na trata al jore, che vëgn delota te ciantun dal’un dl Lijun. Tratan che i ladins á le jüch tles mans, castighëia le capitan Kaneider al 75^. Sön la passaja de prezijiun amez dl cumpagn röia chësc a dërt mumënt a apogé le curan te porta. I ghesc ne arbassëia nia le ce y al 81^ vëgn Daniel sorví dal mezciamp y sú dan porta veghel la trata bassa te porta che ti gareta ince. Les speranzes de na remuntada ti tol indere l‘aversar Lorenzi al 85^: al driblëia la defenjiun y tira cun prezijiun dlungia le pe de porta ite. A ti taié definitivamënter le giames ai ladins é le cuinto gol tl‘ultim menüt, le sogadú lascé sú al limit á düt le tëmp por mosoré la trata che ti gareta ince. Na batosta sëcia che consolidëia le primat dl Lijun, deperpo che La Val resta tles ultims posiziuns y mëss combat por vigni punt.

Lijun – La Val  5-1


Formaziun La Val: 1. Sepl Kantioler, 2. Marco Sottara (dal 66^ Fabian Moling), 3. Luca Pescollderung, 4. Christian Dapoz, 5. Paolo Vallazza, 6. Egon Frenes (dal 55^ Michele Campei), 7. Franz Tolpeit 8. Max Nagler (dal 70^ Christian Terza), 9. Alex Elzenbaumer, 10. Stefan Sottara – capitan, 11. Daniel Frenes (dal 70^ Adrian Miribung)

Goi por La Val: 81^ Daniel Frenes

Proscima partida: La Val süga süa proscima partida induman sabeda dales 16:00 te ciasa cuntra le Vintl

Atri resultac:

Altherren (La Val): La Val – Welsberg: 1-0

Juniores Pool (La Val/Mareo/Rina/Val Badia): La Val – Schlern: 0-2

Aliefs (Mareo/La Val): Mareo – Val Badia: 1-2

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©