US LA VAL
 
 
     
 

8ª partida de campionat - derby ladin cuntra la Val Badia

Stampa PDF

_MG_925277

Te n derby emozionant y combatü cina l'ultim menüt mëss les döes formaziuns ladines se acontenté cun en punt porom.





 

Al bel publich de spetadus rové adalerch a La Val l’ultim fin dl’edma ti él dessigü gnü pité en derby plajor y interessant, cun le resultat insigü cina l’ultim menüt de jüch. Les döes scuadres ladines a cunfrunt combat por la devënta, insciö da cöi adum punc preziusc por se garantì la salvëza de categoria. De chësc vers s'à ince fat sintí la tenjiun te ciamp, cis tla prüma pert dla partida, daulache al á en pü mancé la segurté y la prezijiun ti passaji.
Sot la plöia lisiera é la Val Badia che pëia ia cun sbunf, passan bele ti prüms menüc in vantaje, plö avisa al 8^ menüt: Matthias Stampfer se fej lerch da na pert jö y crossëia amez por le compagn Alex Felder, chësc ultim röia a dërt mumënt por rebat cun dezijiun le palé cun le ce te porta. Do le svantaje por La Val pro ince i padruns de ciasa a costruí le jüch, les passajes debles vëgn indere interzetades dai ghesc y anuzades por les repartënzes. Al 35^ impostëia La Val l'aziun da na pert jö, ulache Luca Pescollderung pro la crossada cuntra porta, la trata alta indere é indirizada cuntra porta y é fatala por le un dla Val Badia Rene, che pro da se destrá sënza suzes y le curan röa sot l’ incrujiada por le 1 a 1. Ti ultims menüc dan la fin dl pröm tëmp ne ele nia plö da alzé fora gran ocajiuns.

Al é la Val Badia che mët info man le secundo tëmp cun plö determinaziun, bele al 50^ ti conzed le diretur en önescmetri ala Val Badia, gaujé da n fal de man tla defenjiun da La Val. A se presenté ala trata é l' atacant Stampfer, che tira sigü te porta por le 2 a 1. Püch plö tert röia dal'atra pert Stefan sú dan porta y vëgn contrasté dal verdaporta Rene, l'arbiter ne sighita nia y se vëigha le fal, mostran sön le punt dla mascima puniziun. Chilé á Alex E. l’ocajiun de avalié le resultat, indere Rene lî bun la trata zentrala y se tëgn la cogura ti brac. Insciö manacia ciamó i ghesc de segné le terzo gol cun na trata de Felder che rebat indere sön le pé lunch de porta. La Val crëia inant y al 81^ röia le per: le defensur Paolo Vallazza vëgn sorví dan area y pro la trata de prüma cuntra porta che ti gareta ince, Rene pro da se destrá mo ince in chësc iade le palonët é plö alt co les manëces dl numer un. Le bel gol porta avaliëia le resultat y descëda ince la formaziun de ciasa. Al 83^ röia Alex E. a dërt mumënt sön n palé alt a rebat de ce sura le portier ite, chilo é le defensur dla VB reatif a desfanté le curan sön la linea de porta. Dal'atra pert driblëia Stampfer la defenjiun y se presentëia su dan le portier Sepl, al'ultim mumënt antizipëia indere le defensur Marco C. la trata salvan insciö le resultat. A püc menüc dala fin röia ciamo na crossada sön le ce de dl sogadú a mezciamp Max, chësc pro le stach de ce che röia indere de püch dlungia ia. Cun le sciür dl'arbiter röia insciö le derby ladin anter La Val y La Val Badia, na partida emozionanta y combatüda cina la fin cun en resultat iüst. Cun le punt se porta la VB insciö al terzultim post adüm al Vandoies cun 13 punc, deperpo che La Val resta al'ultim post cun 12 punc. Ala fin dl campionat restel ciamó trëi partides, da chëres che vigni punt davagné pudará fa la desfarënzia por la salvëza de categoria.

 

La Val – Val Badia  2-2


Formaziun La Val: 1. Kantioler Josef, 2. Pescollderung Luca, 3. Campei Michele, 4. Dapoz Christian, 5. Castlunger Marco, 6. Vallazza Paolo, 7. Frenes Michael (dal 60^ Nagler Max), 8. Tolpeit Franz, 9. Elzenbaumer Alex, 10. Stefan Sottara – capitan, 11. Frenes Daniel

Goi por La Val: 35^ Luca Pescollderung, 81^ Paolo Vallazza

 

Atri resultac

Altherren (La Val): La Val – Rodenech  0-4

Juniores (La Val/Mareo/Rina): Chienes – La Val  1-2

U-13 (La Val): Obopuschtra Jugend – La Val 7-0

U-10 (La Val): Stegen – La Val 1-3


 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©