US LA VAL
 
 
     
 

10ª partida de campionat rit. - Valdaora

Stampa PDF

_MG_925277

La Val pó ciamó trá le flé y speré inant tla salvëza de categoria.





 

Le scenar dl rode C te secunda categoria é plö co interessant. Le Lijun concuistëia le titul de campiuns a cinch giornades dala fin dl campionat, deperpo che La Val cun 13 punc, le Vandoies cun 15 punc y la Val Badia cun 16 punc combat por la salvëza de categoria.

La formaziun de Massa á incunté te süa penultima partida d’aisciüda le Valdaora, che ne á nia plö da damané da chësc campionat, sce nia na reaziun a les ultimes pordödes y na devënta cuntra na scuadra ladina. Insciö era ince stada, na partida combatüda sënza scincundes, cun i padruns de ciasa che va in vantaje bëgn dui iadi.

Le jüch mët man cun en bel ritm y le Valdaora röia ala cherd’ora al vantaje. Le palonët dal mezciamp vëgn rebatü dal defensur ladin cuntra porta, chiló é l’atacant aversar asvelt y röia denant a rebat le curan cun le ce te porta. Tl jüch ladin é la prezijiun dles passajes che fala, indere le pêr röia ala mesora: sön la trata dal ciantun se desmarchëia Stefan che röia sú sön le pé lunch de porta, le palé a ma plö bria de gní apogé te porta. Püch plö tert radopiëia la formaziun de ciasa le resultat, chiló é Franz che se fej lerch purtan le palé cuntra porta, la trata bassa dlungia le pé bass é fatala por le verdaporta. Le Valdaora ne lascia nia dô y avanzëia cun düta la formaziun y davagna al’ultim menüt dl prüm tëmp na puniziun dal limit. Cun le palé se presënteia ala trata Oberparleiter y pro de potënza cuntra le portier Sepl che pro da desfanté, indere senza suzess.

I padruns de ciasa reagësc y a al 47^ indirizëia Micky Frenes la puniziun dlungia le mür dl Valdaora ite, le portier pro da deloj le palé che ti röia indere sot i brac ite. Le gol porta coraje ai ladins che impostëia cotan de beles aziuns. Al 55^ pro Micky le lunch palonët cuntra porta che röia indere de püch dlungia ia. Ince Franz se porta sú cuntra porta al 60^, la trata bassa röia cun potënza ince chësc iade dlungia ia. Le bun momënt vëgn indere archité dal gol di aversars, sön na rebatüda dla defenjiun röia l’asvelt atacant Steinmair amesa area y á ma plö bria de indirizé le palé te rëi ladina. La Val ne arbassa nia le ce y crëi tl vantaje, plö trates sön porta fej tramoré le Valdaora. Gran ocajiun ince por Franz a püc menüc dala fin, a püc metri dan porta veghel na trata sëcia, indere massa alta por le vantaje.

Le sciür dla fin dl’arbiter ti tol insciö la speranza dla devënta ai ladins. Do i resultac dl penultim fin dl’edma de campionat pó ciamó la formaziun de Massa trá le flé y speré te na eventuala promoziun a na partida de dezijiun. Por speré inant te chësta ocajiun é le prüm compit tler: avëi la miú tl’ultima partida cuntra la scuadra Pustra.


La Val – Valdaora 3-3


Formaziun La Val: 1. Sepl Kantioler, 2. Luca Pescollderung (dal 80^ Moling Fabian), 3. Egon Frenes (dal 75^ Martin Ploner), 4. Christian Dapoz, 5. Castlunger Marco, 6. Paolo Vallazza, 7. Micky Frenes (dal 70^ Daniel Frenes), 8. Max Nagler, 9. Alex Elzenbaumer, 10. Stefan Sottara – capitan, 11. Franz Tolpeit

Proscima partida: La Val süga süa ultima partida de campionat in dumënia dales 16:00 a Toblach cuntra l’Alta Val de Puster


Atri resultac:

Altherren (La Val): La Val – Falzes 3-0

Juniores Pool (La Val/Mareo/Rina/Val Badia): Feldthurns – La Val  2-1

Aliefs (Mareo/La Val): Mareo – Jugend Neugries: 1-4

U-13 (La Val): Kronteam – La Val 12-0

U-10 (La Val): La Val – Burnech 4-0


 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©