US LA VAL
 
 
     
 

2ª partida de campionat - Neustift

Stampa PDF

DSCF19d60

Secundo tëmp determinant por i aversars, che castighëia a dovëi i ladins y se tôl para i trëi punc.





 

L’aversar dl’ultim fin dl’edema é le Neustift, scuadra nöia por La Val che á l’ocajiun da se presenté por le prüm iade al publich de ciasa te chësta nöia sajun. Na partida nia dales gran emoziuns, indere cun en bel jüch ladin. Le mëteman ti gareta ince mo spo se stüda ia la determinaziun y i fai individuai vëgn insciö anuzá a dovëi dai ghesc. I jun daimpró ia cun i avenimënc dla partida.

Sciöche bel dit damperfora, é i ladins che detëia le ritm por dî alalungia tla prüma pert. Cun presciun él meso de tigní alt le palé y costruí de beles aziuns. La dificolté é indere chëra de ruvé a contlujiun, gunot é le passaje massa lunch o massa cürt por l’ultim sogadú dan porta o ince la mancianza dl sanch frëit dan le verdaporta. De chësc vers éle ma da alzé fora la trata de Philip al 25^ dlungia le pé de porta ia y chëra de Max dal limit dl’area, delota te ciantun dal numer un.

Tla secunda pert é le Neustift a tó la partida tles mans y mët in dificolté düta la scuadra ladina. Le vantaje röia indere cun na scincunda dl’arbiter al 73^: sön na rebatüda dl’atach aversar, daulache le palé röia indere dlungia porta ia, ti conzed l’arbiter na trata dal ciantun che vëgn spo trasformada tl vantaje cun na deviaziun de ce. Püch do al 80^ ti sciampa Christian Terza ala defenjiun y vëgn contrasté te area, le fal evidënt ne vëgn nia conscidré dal’arbiter che fej proseguí le jüch. A ti taié definitivamënter le giames ai ladins é le dopl vantaje al 85^, la palonët ruvé te area röia sura le portier ite y le defensur Ivan prô ciamó de tra demez la cogura mo ürta a sburlé l’aversar. L’arbiter mostra sön le punt di önescmetri y mostra la cherta cöcena a Ivan. Te ciamp é le marcé impé y cun i scrai dl publich se röia ince tosc la partida. Na batosta por i padruns de ciasa, che mëss ciaré de limité i fai y tigní le ce alt por la proscima partida sön le calënder.


La Val – Neustift  0-2


Formaziun La Val: 1. Sepl Kantioler, 2. Luca Pescollderung (85^ Alex Ploner), 3. Egon Frenes (60^ Thomas Ploner), 4. Christian Dapoz, 5. Ivan Tschaffert, 6. Paolo Vallazza, 7. Philip Moling (80^ Martin Menazzi), 8. Max Nagler, 9. Christian Terza (75^ Luca Bernardi), 10. Stefan Sottara – capitan, 11. Michele Campei

Proscima partida: La Val süga en duman sabeda dales 16:00 indo te ciasa cuntra le Lajen

Atri resultac:

Juniores Pool (Val Badia): Feldthurns – Val Badia: 0-0

Giovanissimi (Val Badia): Val Badia - Kiens: 7-0

U-13 (La Val): Valdaora – La Val

U-11 (La Val): La Val – Vandoies


 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©