US LA VAL
 
 
     
 

3ª partida de campionat - Laiun

Stampa PDF

DSCF19d60

Le La Val se descëda purmó tla secunda pert, canche le vantaje aversar é bel bindebo pesoch.





 

La scuadra da Laiun s’à presenté l’ultim fin dl’edema a La Val. En aversar nü por i ladins, che se mosorâ decuntra por le prüm iade. De chësc n’á i sogadusc ladins degünes aspetatives, ince sce sön le papier pudô le Laiun alzé fora na devënta pesocia tl’ultima partida. I ghesc castighëia a dovëi tl prüm tëmp, anuzan la debla prestaziun di padruns de ciasa. Impormó tla secunda pert se oj la partida, mo dailó ne é i 45 menüc impone assá por oj daldöt le resultat.

Bele al 7^ röia le Laiun in vantaje, sön en lunch palonët ti sciampa l’atacant dërt al defensur y sön en contrast ti resta le curan ti pîesc y é ciamó bun de apogé la cogura te porta. Al ne passa tröp che al 10^ ti sciampa dal’atra pert l’atacant al defensur y vega na trata sëcia sot la stangia de porta ite. Na duscia frëida por i ladins, che á gran ora por se descedé, ince sce ma por cürt tëmp, ti gareta ince val bela sugada che ti pormët de ruvé a val trata prigorosa. I sogadus dl Laiun preferësc indere sughé cun i palés alc y mët in dificolté la defenjiun, insciö ti gareta ince le terzo gol al 30^: la trata de puniziun da na pert vëgn indirizada cun prezijiun tl’ incrujiada lungia de porta.

I padruns de ciasa röia te ciamp tl secundo tëmp cun n ater spirit. Bele atira cunësciun la vöia y la determinaziun de smöie valch. Al 48^ crossëia Michele amez por Alex E. che röia cun sbunf adalerch y rebat sëch de ce te porta. Diesc menüc plö tert ti sciampa l’atacant Martin Menazzi ala defenjiun y vëgn contrasté amesa area: l’arbiter mostra atira sön le punt di önescmetri. Christian Dapoz se presentëia ala trata y la trasformëia ince. Püc menüc dedô vëgn sorví Stefan cun na passaja filtranta y tira te rëi cun prezijiun, le gol vëgn indere anulé por posiziun de forajüch. Le bun momënt por La Val vegn desfanté dal cuarto gol aversar. Sön na rebatüda vega l’atacant Lintner na trata al jore dai vint metric he va a finí sot la stangia de porta. N bel gol che ti mët le bastun tles giames al La Val. Na cherd’ora de tëmp ciamó, mo vigni sugada vëgn architada sö tl’ultim da n defensur. Da mostré sö ciamó la sterscia trata dalunc dl Laiun, daulach le palé rebat cuntra l’incrujiada de porta.


La Val – Laiun  2-4


Formaziun La Val: 1. Sepl Kantioler (8^ Nathan Massa), 2. Thomas Ploner (65^ Simon Campei), 3. Egon Frenes (60^ Philip Moling), 4. Paolo Vallazza, 5. Marco Castlunger, 6. Christian Dapoz, 7. Christian Terza (75^ Patrick Miribung), 8. Luca Bernardi (50^ Martin Menazzi), 9. Michele Campei, 10. Stefan Sottara – capitan, 11. Alex Elzenbaumer

Goi por La Val: Alex Elzenbaumer al 48^ y Michele Campei al 58^


Proscima partida: La Val süga en duman sabeda dales 15:30 a Perca cuntra la scuadra de ciasa

Atri resultac:

Altherren (La Val): La Val – Welsberg 2-1

Juniores Pool (Val Badia): Val Badia – Virtus Bolzano: 1-3

Giovanissimi (Val Badia): Niederdorf – Val Badia 4-0

U-13 (La Val): La Val – Kronteam 0-5

U-11 (La Val): Ridnauntal – La Val 7-2

U-9 (La Val): La Val – Brunech 1-5


 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©