US LA VAL
 
 
     
 

5ª partida de campionat - Gossensass

Stampa PDF

DSCF19d60

I ladins ti conzed al Gossensass de rosedé le vantaje arjunt ti prüms menüc. Te plö ocajiuns d’or al falé la determinaziun dan porta.





I pröms de tlassifica é ruvá adalerch a La Val por se mosoré cuntra i ladins. Ai á albü la miú mo la devënta é bindebo assuiada. Ai pó sun ji derevers a ciasa cun trëi punc te gaiofa, ince sce plö scincá co miritá. Cun chësta pordüda toma La Val al’ultim post, do che le Pretau á davagné cuntra le San Iöre.

Le vantaje ladin toma bel ti pröms menüc de jüch, al 3^ pro Alex E. na trata dalunc cuntra porta, le palé zentral ti sciampa fora dles mans al portier y röia te rëi. Cun gran presciun se porta i padruns de ciasa tl mezciamp aversar y tira fora na gran ocajiun ala cherd’ora: l’atacant Martin M. controlëia bun la passaja alta y tira sön porta, le curan indere rebat cuntra le pé de porta. Püch dô manacia le medemo de ruvé indo al gol, al se porta sú cuntra porta mo aspeta massa dî a trá, insciö interzetëia le un dl Gossensass le sogadú al ultim scunt. Le bun momënt por La Val vëgn spo rosedé al 27^ cun na sterscia trata de puniziun sön porta, daulache le portier Sepl pro de desfanté le curan sënza suzess. Püch do al 35^ ti sciampa l’atacant ala defenjiun y anuzëia la porta öta por apogé le curan te rëi. Cun le resultat rosedé te püch tëmp se fej sintí le nervosism y cun prescia pro La Val de ruvé al gol. Püch dan la fin dla prüma pert pro ciamó Stefan de chirí la parité cun na trata dal limit, indere de püch massa alta.

La palsa i öga ai sogadus por desciarié la tenjiun di ultims menüc. La formaziun röia te ciamp cun la dërta determinaziun y röia bel atira al’ocajiun. Al 50^ vëgn Ivan sorví al limit y pro la trata al jore, chiló se destira indere le potier y deloj le curan te ciantun. Püch plö tert al 62^, röia na trata dal ciantun avisa amez d’area, Martin röia a dui metri dan porta mo tira le palé sura sura fora. Cun la formaziun plö ofensifa rischiëia i ladins val implö, insciö mëss le un da La Val ince fa val miraco por salvé le resultat. La Val n’ó nia la de sö y pro cun dütes les forzes de chirí la parité. Ti ultims menüc vëighen te ciamp en sughé grô che porta a püch. Insciö mëss i ladins ti la zede al vantaje aversar y azeté le resultat, ince sce nia dl düt iüst sce an ciara l’andamënt dla partida.

 

La Val – Gossensass 1-2


Formaziun La Val: 1. Sepl Kantioler, 2. Simon Campei (50^ Fabian Moling), 3. Paolo Vallazza, 4. Marco Castlunger, 5. Luca Pescollderung (60^ Philip Moling), 6. Ivan Tschaffert (70^ Max Nagler), 7. Christian Terza (55^ Alex Ploner), 8. Martin Menazzi, 9. Michele Campei, 10. Stefan Sottara – capitan, 11. Alex Elzenbaumer

Goi por La Val: Alex Elzenbaumer al 3^


Proscima partida: La Val süga en duman sabeda dales 15:00 a San Iöre cuntra le San Iöre Amateure


Atri resultac:

Altherren (La Val): Dietenheim – La Val 2-1

Juniores Pool (Val Badia): Val Badia – Natz: 1-2

Giovanissimi (Val Badia): Val Badia  – Taufers 1-3

U-13 (La Val): La Val – Alta Badia 1-2

U-11 (La Val): Alta Badia – La Val 3-1

U-9 (La Val): La Val – San Laurënz 2-6

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©