US LA VAL
 
 
     
 

9ª partida de campionat - Dietenheim

Stampa PDF

DSCF19d60

La Val mëss se acontenté cun en punt sú, dô avëi batalié y sughé bun por gran pert dla partida.

 





La scuadra da Dietenheim, alenada dal ex-alenadú da La Val “Tano”, é ruvada sön Plans a se mosoré cun i ladins. Chisc lascia udëi na bela reaziun al’ultima pordüda dl derby cuntra le Rina y sce an ciara l’andamënt dla partida, ess le resultat podü salté fora a vantaje dl La Val.

A se mostré dal mëteman é indere i ghesc, che pressëia a dovëi la formaziun de ciasa, nia daldöt ciamó ruvá te partida. Do la cherd’ora se descëda i ladins y costruësc le jüch cun de beles combinaziuns. Dal’atra pert süga le Dietenheim cun palés alc che ne mët nia plö d’intan la defenjiun in dificolté. Val picera ocajiun al 25^: sön na crossada ladina röia Stefan a rebat de ce cuntra porta, indere de püch dlungia ia. L’unica gran ocajiun aversara é da alzé fora al 35^ daulache sön na aziun de cuntrapé röia l’atacant sú dan area, le portier Nathan antizipëia chiló le sogadú al’ultim.

Sciöche le pröm tëmp mët man le Dietenheim plö sterch tla secunda pert, mo chësc düra püch y La Val ti tôl tosc le sceter y cumana indo le jüch. Al 55^ röia Michele da na pert y apogëia amez por l’atach, le palé vëgn indere delot tl’ultim te ciantun dal defensur. Al 70^ vëgn Max contrasté te area dal aversar y insciö mostra l’arbiter ladin Zardini le punt di önescmetri. Christian Dapoz se tôl l’inciaria da trá mo le curan trat cun forza rebat avisa tl’incrujiada de porta. I ladins ne lascia nia dô y sön na trata dal ciantun abina Alex E. le palé püch dan le portier, cun en tach prôl da apogé te porta mo le refles dl portier é ejemplar y para ince chësta. Al mancia ma plö püc menüc y Stefan se fej lerch tl mezciamp aversar por ruvé al limit a trá cuntra porta, trata indo desfantada dal numer un dl Dietenheim. Ultima ocajiun in extremis sön crossada dal ciantun: Luca röia a staché de ce mo indo n iade é le portier tla dërta posiziun por se tigní la cogura ti brac. Bela prestaziun, che desmostra che i sogadús crëi y bataliëia inant ince sce i bugn resultac stënta a ruvé.


La Val – Dietenheim 0-0


Formaziun La Val: 1. Nathan Massa, 2. Michele Campei, 3. Paolo Vallazza, 4. Marco Castlunger, 5. Luca Pescollderung, 6. Christian Dapoz, 7. Christian Terza, 8. Ivan Tschaffert (65^ Max Nagler), 9. Martin Menazzi (80^ Egon Frenes), 10. Stefan Sottara – capitan, 11. Alex Elzenbaumer (85^ Alex Ploner)

Proscima partida: La Val süga in duman sabeda dales 18:00 a Wiesen cuntra la scuadra de ciasa


Atri resultac:

Juniores Pool (Val Badia): Virtus Bolzano – Val Badia: 6-2

Giovanissimi (Val Badia): Porsenú  – Val Badia 0-9

U-11 (La Val): La Val – Terenten 7-6

U-9 (La Val): Falzes – La Val 8-1

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©