US LA VAL
 
 
     
 

10ª partida de campionat - Wiesen

Stampa PDF

DSCF19d60

Sön le rî ciamp dl Wiesen ti pëta La Val bëgn cater iadi l’ajëi ai aversars y se porta a ciasa na bela devënta.

 




Bela reaziun da pert de düta la formaziun, che á stenté dî a chirí indo na devënta. I sogadús mëss naota ciafé confidënza cun le ciamp impregnü d’ega dl Wiesen, mo en iade che ai ciafa les mesüres castighëi a dovëi, dan daldöt tla secunda pert.

Bele al terzo menüt conzed l’arbiter la mascima puniziun por en contrast te area sön Alex P. Le capitan Stefan trasformëia le önescmetri cun segurté. Dô le vantaje ciafa le Wiesen coraje y avanzëia tl mezciamp ladin. Val ocajiun davagni ince, indere sënza ester prigorusc plö d’intan. Al 30^ pëia ia Alex E. da na pert y prô de sorví le cumpagn Alex P., che röia indere de püch massa tert ala trata. Le bel jüch bass sön le ciamp é stenté y le Wiesen davagna plö repartënzes, letales por la defenjiun, impó ti tëgni bót cina la fin dl pröm tëmp.

En La Val plö determiné röia do la palsa te ciamp. La bela combinaziun al 63^ anter mezciamp y atach fej ruvé Michele dan porta, che tira sön le prüm pé de porta cun dezijiun por le dopl vantaje. Püch dô controlëia Stefan le palé y sorvësc Alex E. al limit che prô na trata sëcia, le portier mëss se destrá por paré. Al 73^ controlëia Ivan cun savëi la crossada püch dan le portier y apogëia te porta por le 3 a 0. Prigorosa la trata sëcia cuntra la porta ladina al 75^, daulache le verdaporta Nathan é reatif a deloj la cogura te ciantun. Dan che la partida röia a piz ti sciampa ciamó en iade Michele ai defensurs y ne sighitëia nia a tra sön le pé lunch de porta por ti taié definitivamënter les giames ai aversars.

Na devënta importanta fora de ciasa, che desmostrá la orenté de urëi batalié cina l’ultima de campionat, partida che gnará sugada duman te ciasa cuntra le Raas.


Wiesen – La Val 0-4


Formaziun La Val: 1. Nathan Massa, 2. Michele Campei, 3. Paolo Vallazza, 4. Marco Castlunger, 5. Luca Pescollderung, 6. Christian Dapoz, 7. Christian Terza (60^ Max Nagler), 8. Ivan Tschaffert (70^ Luca Bernardi), 9. Alex Ploner (75^ Patrick Miribung), 10. Stefan Sottara – capitan (80^ Egon Frenes), 11. Alex Elzenbaumer

Proscima partida: La Val süga in duman sabeda dales 16:00 a La Val cuntra le Raas


Atri resultac:

Juniores Pool (Val Badia): Val Badia – St. Pauls: 0-0

Giovanissimi (Val Badia): Chienes  – Val Badia 2-2

 


 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©