US LA VAL
 
 
     
 

1. Fin dl'edema de lüsa

Stampa PDF

1._JR_Latzfons_06.01-278

La sajun di liöstri é indo daverta, i atlec de lüsa alta s’á mosoré pro les prümes competiziuns de chësc invern: la gara de Copa de Südtirol a Valdaora y la gara jonila “Raika” a Latzfons por i plö jogn.

 

 

 

 

Liösa – Sciöche da tradiziun é la gara dla Copa de Südtirol che deura ofizialmenter la sajun dla lüsa alta. Insciö era ince stada l’ultim fin dl’edema a Valdaora, olache ince i ladins s’á presenté al start, mustran sö na buna condiziun che á porté ai prüms podesc.

Bëgn te cater categories é le pröm post ladin: Pro les ëres (senioren) é l’atleta da La Val Shamira la plö asvelta (1’15.57), pro les ëres (juniores) è Nagler Luisa da Lungiarü che fej süa le medaia d’or cun le tëmp de 1’19.82. La plö asvelta pro les mitans (aliefs) é Peccei Lara da La Val, che ti sciampa a düc mostran sö le temp de 1’18.21. Pro i mituns se tôl deperpo Moling Matthias da La Val na bela sodesfaziun, le prüm post ó só cun le tëmp de 1’19.41.

 

GARES JONILES RAIFFEISEN

Ince les gares joniles dla Raiffeisen é oramai en apuntamënt fis tl calënder dla lüsa. Al se trata de na competiziun partida sö te cater gares olache al tôl pert mituns dai 6 ai 14 agn che vëgn partís sö de deplö categories. Al vëgn garejé sides cun lüsa alta y sides cun lüsa basa. La pröma dles cater competiziuns é gnüda tignida a Latzfons l’ultima sabeda, daulache i atlec jogn da La Val á partezipé y pó mustré sö chisc bugn resultac: mitans (aliefs) – 2. Peccei Lara, 4. Frenes Elisa, 7. Miribung Elena, 9. Campei Miriam; mituns (cuccioli) – 7. Dejaco Christian; mituns (ragazzi) – 5. Campei Fabian, 6. Frenes Max, 9. Crepaz Davide, 11. Hoeller Simon, 12. Dapoz Mattia; mituns (aliefs) – 1. Brunner Philipp, 4. Moling Matthias, 9. Ties Michael, 10. Alton Elias. I atlec ciara bel ai campionac provinzia, che gnarà tignis a Funes in chësc fin dl’edema.

 

LUKAS PECCEI TLA NAZIONALA

Le jonn atlet de lüsa alta da La Val Lukas Peccei, ann 2004, che á garejé ti ultims agn tles competiziuns sön pista naturala a livel local, fej pert te chësta sajun invernala 2019/20 tla scuadra nazionala di jogn de lüsa sön pista artifiziala. Bele da valgügn mëisc s’alenëia Lukas por les competiziuns che ti aspeta.

Döes é le gares ofiziales cina sëgn, a chëres che Lukas é gnü convoché dal diretur tecnich dla nazionala Armin Zöggeler, plö avisa a Igls tl’Austria y a Königssee ti paîc tudësc, daulache al á podü ciarcé y mostré só savëi tles prümes competiziuns .

Cun la soma di punc dles döes gares passades é Lukas ince gnü nominé a partezipé ala 3ª ediziun di jüc olimpics a Lausanne tla Svizera dai 09 ai 22 de jená 2020.

 

RUBATSCHER MANUELA Y LA LÜSA BASSA

La jona atleta da La Val Rubatscher Manuela, ann 2001, é bel cunesciüda da val ann incà tl scenar dla lüsa alta a livel provinzial y nazional. Bele adora ti tignô bót Manuela a les plö stersces y te püch tëmp era stada buna de sorpasé les atres concorëntes, saltan insciö prësc vigni fin dl’edema sön podest a pié dô na medaia. Bele l’ann denant à Manuela orü ciarcé n’atra desfida, chëra de se senté sön la lüsa bassa por se mosoré cun atres concorëntes y fa l “salt de categoria“. Te chësta sajun s’á bel l’atleta mostré te döes gares de copa dl monn juniores, daulache ará á porté a ciasa le 6. post te tramres les competiziuns.


I plazamënć dla pröma gara de Südtirolcup: risultati Südtirolcup


I plazamënć dla pröma gara jonila "Raika": risultati Raika

 

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©