US LA VAL
 
 
     
 

Fin dl'edema rich de gares 18-20.01.2020

Stampa PDF

2._JR_Plan_de_Gralba-225

Le scenar dla lüsa alta s’á  sposté tratan l’ultim fin dl’edma a Latzfons sön la pista “Lahnwiesen”, daulache al é gnü tigní la secunda dles trëi gares de Copa de Südtirol.

 

 

 

I bugn resultac ne á indô nia mancé, trëi podiums se porta i atlec ladins a ciasa. Brunner Shamira, Moling Matthias y Nagler Luisa da Lungiarü concuistëia le medaia d’arjënt tles categories senioren, aliefs y juniores.

Ploner Alex deperpo se arjüma  le terzo post ruvan a 4 decims massa tert. Sciöch ultima se posizionëia Frenes Elisa da La Val al 5. post tla categoria aliefs. Le miú tëmp dla gara, 1’08,55, é le jonn atlet da Vilandres Rabensteiner Florian che mostra sö. Sön le program è chesc fin dl’edema le Gran Pest d’Europa a Valdaora, daulache al start se presentëia ince Alex Ploner y Brunner Shamira da La Val sciöche ince Nagler Luisa da Lungiarü.

L’atleta de lüsa bassa da La Val Manuela Rubatscher é stada impegnada a Laas tla gara de copa dl monn. Te söa categoria é Manuela ruvada ala otava posiziun, deperpo che la cumpagna Nadine Staffler è stada plö asvelta y á podü trá le salt sön le scalin plö alt dl podest.


Gares joniles Raiffeisen:

L’ultima sabeda é le ASV Lüses Gherdëina che á surantut l’organisaziun dla secunda gara jonila Raiffeisen. Garejé éle gnü sön Plan de Gralba, daulache i atlec plö jögn é suntá söi liöstri por se mosoré y cöi adüm punc por la soma finala ala fin dla sajun. Chisc i resultac di atlec ladins: Pro i aliefs (ann 2006-07) röia Lara Peccei al 2. post, 5. Miriam Campei, 6. Elena Miribung, 7. Elisa Frenes, 8. Lea Quitta (asv gherdëina), 9. Leonie Perathoner (asv gherdëina) deperpo che pro i mituns röia Matthias Moling al 4. Post, 7. Elias Alton y 8. Michael Ties. Pro i ragazzi (2008-09) fej Fabian Campei só le 4. Post, 7. Max Frenes, 9. Mattia Dapoz, 10. Jan Maria Demetz, 11. Höller Simon y 12. Isaak Perathoner. Pro la categoria cuccioli (2010-11) röia Ivan Quitta da gherdëina al 3 post y Christian Dejaco da La Val al 5. post.

La proscima y terza gara jonila sön le program è ai 2 de furá a Laas.


Lukas Peccei ai jüc olimpics tla Svizera

L’ultim fin dl’edema é ince ruvé por l‘atlet da La Val le momënt por se mostré ales olimpiades joniles tla Svizera. Plö avisa la sabeda da duman adora a San Moritz él gnü tigní la competiziun de lüsa sön pista artifiziala. Tla prüma manche s’á Lukas posizioné ala 17ejima posiziun a + 1.60 scunc de svantaje dal prüm, deperpo che tla secunda manche ti ara en pü sceché, ruvan dui iadi cuntra le mür dla pista. La posiziun finala é le 23ejim post a + 4.99 dala medaia d’or Berzins dl Letland. Le compagn dla scuadra taliana Gufler Alex fej só le cuinto post a + 1.004 dal prüm. Na bela esperiënza por Lukas, che á podü se mosoré te na gran competiziun sciöche chëra dles olimpiades. Lukas sarà ciamó da udëi en aziun a Winterberg por stlü jö la sajun.

 


I plazamënć dla pröma gara de Südtirolcup: 2._SC_u._EC_Hornschlitten_Latzfons_18.01.2020.pdf

 

I plazamënć dla secunda gara jonila "Raika": risultati Raika

 

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©