US LA VAL
 
 
     
 

Finala gares joniles "Raika" 2020

Stampa PDF

4._JR_Latsch-217

A Latsch él gnü tigní l’ultima domënia la finala dles gares de lüsa joniles Raiffeisen de lüsa alta y bassa. I atlec ladins pó ester capazi de sü resultac.

 

 

 



Les gares joniles Raika é na competiziun partida sö te cater gares olache al tôl pert mituns dai 6 ai 14 agn che vëgn partís sö de deplö categories. Al vëgn garejé sides cun lüsa alta y sides cun lüsa basa. Les cater gares te chësta sajun é gnüdes tignides a Latzfons, Plan de Gralba, Lass y l’ultima a Latsch.

La gara dl’ultim fin dl’edema a Latsch, odüda ince sciöche ultima poscibilité por cöie adüm punc, á stlüt jö le cuartet de gares. I atlec plö jogn da La Val, che á bel partezipé a les atres 3 gares, á arjunt chisc resultac tles singoles categories: 2. Peccei Lara, 5. Campei Miriam, 6. Miribung Elena, 5. Dejaco Christian, 3. Campei Fabian, 7. Crepaz Davide, 9. Höller Simon, 10. Dapoz Mattia, 2. Alton Elias, 3. Moling Matthias, 6. Brunner Philipp, 10. Ties Michael. Gran sodesfaziun por düta la scuadra, che se tôl para a ciasa le prüm post por soma de tëmps.

De gran complimënc ti va dandadüc ai dui jogn atlec Moling Matthias (3. post) y Peccei Lara (2. post) che á podü trá le salt sön podest a pié dô la medaia tla tlassifica generala por soma de temps de dütes les cater gares. Chisc i atri plazamënc finai tles singoles categories:  5. Campei Miriam, 6. Miribung Elena, 9. Frenes Elisa, 5. Dejaco Christian, 5. Campei Fabian, 7. Frenes Max, 9. Höller Simon, 10. Dapoz Mattia, 12. Crepaz Davide, 5. Brunner Philipp, 6. Alton Elias, 10. Ties Michael. Ultima gran sodesfaziun dla sajun le secundo por tla tlassifica generala por soma de tëmps a scuadres.

Se congratulé uress l’Uniun dl Sport no ma por i bugn resultać arjunć, mo ince por l’impëgn y la gran devoziun desmostrada da pert de düc tl’organisaziun de chësc evënt  fora por düta la sajun. N gran giulan ince ai alenadus y ai geniturs che acompagnëia i mituns ales gares y l’insegnamënt di atleć cun tröpa esperiënza ai atleć plö jogn che vëgn dô ca. Le bel grup y i bi resultać arjunć des stimolé ince le dagnì de chësc bel sport.

 

Chilo i resultac finai / tlassifica a punc: resultac

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©