Inauguraziun palestra

Tl ann 2001 él gnü ultimé i laûrs de costruziun y ince aredamënt dla palestra, cun locai dla Musiga, Ciantadus y di Jogn. En la segra dl paîsc, ai 1. de messè 2001, él spo gnü inauguré ofizialmënter la infrastrutüra. Dô la gran mëssa é les uniuns che ciafará alberch tl frabicat nü jüdes en defilada da plaza de dlijia fina söla plaza dan le frabicat nü, olache al é gnü tigní la zerimonia de inaguraziun. En rapresentanza dla Provinzia, ch’á finanzié le 75% dl’opera ch’é gnüda a costé indüt passa 4,7 miliardes, él gnü adalerch l’assessur provinzial por la cultura, Bruno Hosp. Dô l’inauguraziun él gnü daurí les portes di locai y düta la jënt á podü vijité le frabicat y tó pert al buffet, dartan che la Musiga á tigní conzert.