8° partida campionat 2010/11
In dumënia ai 24 de October él gnü sughé l' otava partida dl campionat 2010/2011 de 3° categoria por La Val. La partida é gnüda sugada in ćiasa cuntra la Val Badia (scuadra che é gnüda metüda sö nöia in chësc ann, formada bëgn da 8 paisc dla Val Badia). La partida è jüda fora 2 a 0 por la Val Badia. Cun chisc trëi punć lasciá sön trú, se porta la scuadra da La Val al 6° post te tlassifica.
La partida á metü man nia cis bun por La Val, che se ciafa bel dô da cin menüć le goal dl 1 a 0. Le goal é nasciü sön en angolo conzedü dal arbiter che ne ê nia. Le pal röia te area, i defenurs da La Val ne é nia bugn da trá dmez le pal atira, en sogadú dla Val Badia é plü scvelto y é bun da se oje atira y fa en bel tiro angolé sot la traversa ite. Le portier da La val ne á albü degüna poscibilité da paré le bel tiro, deache al ne á nia podü udëi le pal canche al é pié ia, deache al ê blëgn de sogadusc che á curí la pala. Insciö se porta la Val Badia in vantaje. Püch dedô canche La Val ê tla fasa da ataché, él en defensur dla Val Badia che fesc en bel lancio al atacant, chësc bel lancio tol la difesa da La Val en controtempo. Le portier da La Val pro ciamó da gni fora, mo le atacant dla Val Badia é bun da fá en bel palonetto che röia te porta. Insicö é La Val tl tëmp de 15 menüć sot de dui goi. La Val pro ciamó tl prüm tëmp da oje la partida. Mo la furtüna ne é nia sön la pert süa. En bel tiro da lunć de Verginer Franzi röia sön le palo y en ater bel tiro de Sottara Werner röia sön la traversa. Le prüm tëmp se stlüsc jö sön le 2 a 0 por la Val Badia. Tl secundo tëmp él püces oportunitês da fá goal da trames le pêrts. En pêr de situaziun che degügn á ciamó capí él ste da pêrt dl arbiter, che á dé la cöcena an sogadü dla Val Badia, che an ne sá ciamó nia ciudí. En per de gheles al ince mostré, sënza che valgügn éss capí ciodí y canche al foss sté da amoní sogadusc, ne le al nia fat. La partida se stlüsc jö sön le 2 a 0 por la Val Badia.
La formaziun titolara dla partida:
al 46 Schuen Filippo por Frenes Michael
al 55° Elzenbaumer Alex por Rubatscher Florian
al 65° Nagler Max por Verginer Franzi
al 80° Tavella Thomas por Sottara Werner
Por ciaré ales foto dla partida clicca. Foto
Por ciaré ala tlassifica y i resultać dles artres partides clicca. Resultać y tlassifica