10° partida campionat 2010/11

Stampa

IMG_4532In dumënia ai 7 de November él gnü sughé la decima partida dl campionat 2010/2011 de  3° categoria por La Val. La partida é gnüda sugada te ćiasa cuntra le Gsiesertal. La prtida é jüda fora 3 a 2 por La Val. Cun chisc trëi punć davagná se porta La Val al 8° post te tlassifica. Chëscta vitoria ti dá dessigü ince coraje y convinziun ai sogadusc por le ultimes döes partides dl andata, cuntra le Raas (recupero che gnará sughé in Mercui ai 10 de Novëmber dales 20.00 fora de ćiasa y in dumënia cuntra Lüsen te ćiasa.

 

La partida á metü man bun por trames döes les scaudres, che á mustré en bel calcio cun de beles aziuns da vigni pert. Mo la prüma gran ocajiun da fá goal é por La Val. Sön na bela aziun al centrocampo é Freddy Sottara bun cun en gran pasagio de prezisun da mëter le atacant Verginer Franzi dassú cuntra le portier, mo la pala va de püch dlungia le palo ia.  Püch dedô é Rubatscher Romeo che fesc en bel tiro te area, che vëgn devié cun la man dan defensur dl Gsies, mo le arbiter ne dá nia le rigore, che foss sté netto. Al 20° é Sottara Freddy che á l'ocajiun cun na puniziun püch defora dal area da fá goal, mo le tiro röia tla bariera. Mo le prüm goal ti gareta al Gsies. Sön en bel lancia é bun le atacant da mëter jö le pal y trá te porta, mo le pal röia ados an defensur, che vëgn devié demez dala porta. Le plü scvelto é peró en ater atacant, che röia denant sön le pal y da na posiziun dër angolada él bun da segné. Denant che le prüm tëmp se röia é Rubatscher Florian bun da porté al pareggio La Val. Ne bela poniziun de Frenes Daniel röia bel avisa a Florian, che é bun da mët le pal te porta. Le prüm tëmp se stlüsc jö sön le 1 a 1.
Tl secundo tëmp él i sogadusc de trames le scuadres che mët man da se inervosí tres deplü, gauja é zënzater le arbiter che mët man da sciuré düt al enzecü, sides por La Val co por Gsies. Mo le vantaje ti gareta indô a Rubatscher Florian, sön en bel pasaggio de Tavella Thomas é bun Florian da se stoppen le pal e spiazé le portier. Püch dedô ti vëgnel scinché en rigore inesistente al Gsies, Tavella Thomas é bun cun en contrast da ti tó le pal al atacant dl Gsies, che se lascia insciö scuré jö. Le arbiter ti dá le rigore. Gsies é bugn da fá le 2 a 2. Al 30° é le arbiter che ti scinca en rigore a La Val, sön en tiro él en defensur che deviëia cun la sciabla, mo le arbiter á udü la man, insciö fischiel le rigore (ince magari por gauja che al ti á scinché le rigore al Gsies, al urü "ausgleichen"). Rutbatscher Florian se tol la responsabilité y vá a trá le rigore, mo le tiro centrale ti vëgn paré dal portier. Mo por furtüna é ciamó bugn La Val 10 min dan la fin da fá le 3 a 2. En beliscimo pasaggio de Sottara Stefan in profondité, scmarchëia Frenes Daniel, che mët la pala basa sön le secundo palo, Elzenbaumer Alex é bun cun en gran tiro de dërt da mët le pal sö tl incrocio lunch. Chësc bel goal ti scinca insicö i 3 punć a La Val.
Al é zigü sté na bela partida, ince sce le arbiter ne é nia sté al altëza da fischié. Mo la grinta di sogadusc da La Val é gnüda premiada.
 


 
 

La formaziun titolara dla partida:


Formazione_Gsies


 

 

 

 

 

In cürt ciamó les sostituziuns dla partida:


al 50° Elzenbaumer Alex por Verginer Franzi

al 60° Schuen Filippo por Rubatscher Romeo

al 80° Kaneider Denis por Frenes Daniel




Por ciaré ales foto dla partida clicca. Foto


Por ciaré ala tlassifica y i resultać dles artres partides clicca. Resultać y tlassifica