Sciöche l' ann passè el gnü organisé ince in chësc ann la "Gara dl paîsc" da La Val. La gara é stada ai 07.03.2009 da sëra sön la pista illuminda de “Gardenacia”. I concorënć á podü chirí fora tra trëi disciplines, schi, lüsa o schi cun les pels. Al ê ince la poscibilité da garejé sciöche combinata tra les trëi disciplines.  Dales 18.30 el pié ia naota chi dales lüses y spo dopo chi dai schi. Dô la prüma „manche“ el spo pié ia i concorënć cun i schi dales pels che messa fa en percurs illuminé da chentli sö pur la pista e fora pur le trú che porta sön som le lift. Canche l’ ultim ê spo ruvé sö el pié ia la secunda „manche“. Dô la gara el gnü fat la premiaziun jö te salf dles manifestaziuns a La Val ulache an á ince ćiafè val da mangé y da bere. En gran giulan y complimënt ti va a düć chi ch’ á contribuí a fa garatè la manifestaziun. En sintí giulan ince ala Cassa Raiffeisen Val Badia che á sponsorisé les copes e les medalies.

 

 

Pur ciaré ales foto clicca. FOTO

Pur ciaré ala tlassifica clicca. Tlassifica_gara.pdf