2° gara Südtirol Cup
Por gauja dles temperatüres masa altes tl ultima edma, ne él nia sté poscibil da fá la gara a Jaufental sciöche ara foss stada programada. Insciö él gnü fat la 2° gara dl Südtirol Cup 2011 a Deutschnofen sön la pista Pfösl Riep. Les condiziuns é stades otimales, chel pon ince udëi dai tëmps che é gnüs fać, prësc te vigni categoria él gnü metü sö en nü record dla pista. Diego Tschaffert (che á bele davagné la prüma gara a Olang) é sté bun da jí le prüm iade sot al menüt a Deutschnofen, cun en tëmp de 59,97 al metü sö le record asolut cht tignî bel dal 2007.
Degügn é stá bugn da ruvé sot al menüt ater co Diego Tschaffert. Hansjörg Ellemunter é ruvé al secundo post y Meinhard Pircher al terzo post. Pro les ëres él sté Rheinhilde Gamper che á davagné, ince cun en nü record dla pista. Cornelia Messner é ruvada secunda y Katarina Pfeifer terza. Pro la gara cun la lüsa dopla á davagné Lantschner Markus y Bernhard Ennemoser. La tlassifica a scuadres é gnüda davagnada da ASV Laugen-Tisens y ASV Steinegg. Pro les jones se á piazé Nagler Elena (U.S. Lungiarü) al bun 3°post y Erlacher Iris (U.S. La Val) atira dedô al 4° post. Pro i Amateure II á porté indô Alton Tone (U.S. La Val) porté a ćiasa en bun 4° post. Tavella Robert (che á scrit storia adüm a Alton Tone tla seziun dla lüsa da La Val) se á piazé al 8° post. Pro i Amateure I se á piazé Carlto Miribung al bun 3°post. Pro i Senioren I él sté Forer Armin (U.S. La Val) che á rajunt en le 4° post.
Por ćiaré ala tlassifica finala a Olang drüca: Tlassifica_Deutschnofen.pdf
Por ćiaré ales foto dla gara drüca: FOTO