4° partida cuntra Gossensass

Stampa

IMG_1261In dumënia ai 11 de Aurí él gnü sughé la 4° partida dl ritorno dl campionat 2010/2011 de  3° categoria por La Val. La partida é gnüda sugada cuntra la scuadra da Gossensass (ultima te tlassifica) fora de ćiasa. La partida é jüda fora 2 a 1. por La Val. Ince sce le Gossensass é ultimo, se á stenté en pü La Val.   

 

Sciöche bel dl andata cuntra le Gossensass, á La Val porté a ćiasa na vitoria de 2 a 1, mo na vitoria sufrida cina ala fin. Sciöche suzedü cuntra le Percha, La Val se stënta canche ara incunta scuadres che süga ma cun pales altes, lanci dai defensurs. Bel avisa insciö á ince sughé le Gossensass, suradüt tl secundo tëmp. La partida é metü man dër bun por La Val, che á mustré de beles aziuns cun le pal bas y in velozité. Rubatscher Florian á albü bel ti prüms 15 menüć döes beles ocajuns da porte La Val en vataje. Un ed iad dasú cuntra le portier, mo le tiro ti é ruvé ados al portier. La secunda chance ne él ruvé por püch nia ala conclujiun, dô en bel cross de Frenes Daniel é le pal resté tla picera area, mo ala fin él sté le defensur che é stè bun da trá dmez. Daniel á spo ćiamò fat atri bi crosc, mo le bun portier da Gossensass é tres sté bun da gní fora a to le pal, denant co i sogadusc da La Val podess ruvé ala conclujiun.

Mo le prüm goal ti gareta al Gossensass, i defensurs da La Val ne é nia bugn da trá fora atira la pala, en atacant é insciö bun da ti to le pal y jí cuntra le portier, en bel tiro sön le palo lunch bas ne ti lascia degüna chance a Merch. Insciö se porta le Gossensass in vantaje. Ala fin dl prüm tëmp röia ćiamò La Val al pareggio. Te na mischia ulache trëi sogadusc da La Val é gnüs maza jö te area, röia ćiamò Rubatscher Florian ala conclujiun, en bel tiro de potënza porta insciö La Val sön le 1 a 1. Le prüm tëmp se stlüsc jö sön le pareggio.

Atira tl secundo tëmp é le Gossensass che fesc na bela aziun, en colpo te testa röia de püch dlungia le palo ia. Chësta é stada l'ultima aziun por le Gossensass tl secundo tëmp. La Val á aumenté le ritmo, Elzenbaumer Alex á albü üna dles plü granes chancen por le 2 a 1. En bel pasaggio de Frenes Daniel bas ti é bel avisa ruvé sön le rigore, Alex éss ma plü messe apogé te porta, mo le pal é jü sura traversa fora. Püch dedô al fat dribbeln dui defensurs Alex y se á acentré, mo le bel tiro é gnü paré dan ater defensur, foss zigü sté en bel tiro te porta. A mesa le secundo tëmp é spo Frenes Michael che á natra gran ocajiun, al é bun da se stopen cun le piet en bel lancio mo la conclujiun é ruvada sura porta fora. Florian röia ince ćiamó en iad dasú dan le portier, mo al tira indô ados al portier. Cun dütes chëstes chancen spregades y le tëmp che gne tres plü cürt, é La Val che é jüs en pü en crise. Mo diesc menüć dala fin ti garetel a Thomas Tavella so prüm goal pro La Val. Al tol le pal y se fesc sö düta la fascia da sú, en defensur ti fesc na burta entrada, mo al é bun da jí inant cuntra le portier. Canche al röia dan le portier, ne sal gnanca plü vël ciche al á fat, al é ciumpedé tl pal, mo chësta "mossa" á ince fat jí fora tëmp le portier, ingalin el spo da sú cun le pal dan porta, al á podü insciö porte le pal te porta. Chësc goal interessant, che degügn ne á ćiamò capí, sciöche Thoams á fat da le fá ti a scinché trëi punć a La Val, che se porta insciö al 5° posta adüm cun Wiesen.

 

  

La formaziun titolara dla partida:

 gossensassvslaval

 

In cürt ćiamò les sostituziuns dla partida:

  
  

al 70° Verginer Franzi por Elzenbaumer Alex 

Al 75° Sottara Freddy por Rubatscher Romeo 

  

Por ciaré ala tlassifica y i resultać dles artres partides clicca. Resultać y tlassifica