In sabeda ai 20 de Agost él gnü sughé la 1° partida dla Copa Provinzia 2011/2012 de  3° categoria por La Val. La partida é gnüda sugada cuntra le Olang fora de ćiasa. La scuadra da Olang é gnüda metüda sö indô in chësc ann nöia, dô da 4 agn che ara ne ê nia plü. Al é na scudra dër jöna (le plü vedl sogadú da in sabda) ê nasciü dl 1986.

Mo ince sce ai ê tan jogn essi stá bugn da fá na bela partida. La partida é jüda fora 2 a 2, zënzater en bun resultat por La Val cun dui goi fora de ćiasa.

In sabda él stè le gran ćialt che á dé dant i ritmi dl jüch. Ala scuadra da La Val ti mancial deplü sogadusc por vari motivi y porchël ne essi nia stá bugn da fá na bela partida. Ince sce Olang se stlujiô scialdi ma ia dedô essi stá bugn da fá dui goi. Tl prüm tëmp é La Val che se prejentëi deplü iadi cuntra le portier mo i atacanć Verginer Franzi y Alex Elzenbaumer ne é nia bugn da mëter le pal te porta. Nagler Max röia ince dasú cuntra le portier, mo le tiro röia de püch sura traversa fora.

Le gol ti gareta spo impó a La Val, sön en calcio d'angolo resta le pal te area. Franzi fesc naota en tiro che vëgn paré dal portier, sön la ribatuta el spo Sottara Freddy che röia sön le pal y so tiro röia bel avisa sot les giames den difensura y spo te porta. Tl secundo tëmp ti vëgnel spo scinché en rigore a Olang. Le portier da La Val Sepl Kantioler fesc na bela uscita cuntra le atacant che gnê cun le pal cuntra porta. Al ne azica gnanca le aversar, mo le atacant da Olang é bun da freghé le arbiter cun na bela "Schwolbe". Insciö ti fischel le rigore y Olang röia al pareggio. Püch dedô él Olang che fesc na bela puniziun depüch fora d area che röia dlungia le palo ite y fesc insciö le 2 a 1.

Ala 80° ti garetel ćiamó a La Val le pareggio, en bel cross dl nü sogadú Moling David röia te area, Romeo Rubatscher é insciö bun da fa le 2 a 2 de testa/spiné.

La partida ne é zigü nia stada cis bela, suradüt ciaran la prestaziun. Mo i dui goi fora de ćiasa ti dá en gran vantaje por le ritorno ai 27 de Agost in ćiasa. Recordun che in sabda él ince la bela festa di 40 agn dl U.S. La Val, ulache al gnará sughé a mesa ite le ritorno de Copa cuntra Olang.

 

La foramziun titolara: Sepl Kantioler, Tavella Thomas, Ploner Werner, Tavella Jordan, Sottara Werner, Nagler Max, Tschaffert Ivan, Sottara Freddy, Rubatscher Romeo, Verginer Franzi y Elzenbaumer Alex

Banchina: Frenes Egon, Miribung Adrian, Moling David, Frenes Michael, Tolpeit Daniel, (Rubatscher Klaus y Scalzini Marco)

 

Sostituziuns:

Al 46° Tolpeit Daniel por Sottara Werner

Al 70° Moling David por Sottara Freddy

Al 80° Miribung Adrian por Verginer Franzi