1° partida camp. 2011/2012 por La Val

Stampa

 3.cat2011_2012In sabda ai 03 de Setëmber él gnü sughé la prüma partida dl campionat 2011/2012 de  3° categoria por La Val. La partida é gnüda sugada fora de ćiasa cuntra la scuadra da Raas. En gol al 95° di aversarsc ti á dit de no ai 3 punć por La Val, che ess zigü merité da davagné. La partida é jüda fora ala fin 1 a 1.

Mo ince cun chësc punt concuisté a Raas, é bugn La Val finalmënter da rumper la serie negativa sön le ćiamp da Raas, ulache La Val ne é mai stá bugn da concuisté en punt ti ultimi 4 agn.

La partida á metü man cun en gran "Druck" da pert dl Raas, mo che ne é mai stá cis da tumëi tl area da La Val. Ti prüms menüć á insciö La Val messü se stlü ia dedô y defëne naota le 0 a 0. Mo cun de bi contropiedi é La Val atira gnüda plü prigorusa . Deplü iadi röia Daniel Frenes jö en som dla fascia y pro cun de bi crosc da fá jí i atacanć al gol. Mo cuntra i defensurs gragn y alć da Raas él ri da jí in contrast. Insciö el La Val che mët man da sughé cun la pala basa. Ince a mesa le campo é La Val che cumana. Le Raas se stënta tres deplü da gní fora cun le pal. Frenes Michael á ince albü la pala dl gol sön le pe, mo le cross che a traversè düta l'area ne el nia bun da abiné y le pal ti röia amesa le giames fora, foss stada na bela posiziun por trá.

Ince Sottara Werner á la pala dl gol, mo le bel angolo de Daniel Frenes röia apëna sura le cé de Ploner Werner, Sottara Werner ne se aspeta nia che Werner la lascia passè y ne é insciö nia arjigné. Mo al 35° é Florian bun d portè La Val in vantaje. En bel passaggio filtrante perforëia la difesa dl Raas, Daniel Frenes impede jí cuntra le portier passa ite a mez, ulache Florian mëss ma plü tra le pal te porta. Le prüm tëmp se stlüsc jö sön le 1 a 0 por La Val.

Tl secundo tëmp é l'arbiter che mët man da parti fora gheles y cöcenes, destrujan insciö la partida. Al é tres plü na gran nevorsité te campo, ince danter sogadusc.  

Al Raas ti vëgnel sciuré fora en sogadú por falo d'reaziun sön Florian. A mesa le secundo tëmp él Tavella Jordan che ciafa la secunda ghela por en pice falo (mai da ghela). La Val á tres ćiamó la partida tla man, mo ai ne é nia bugn dala stlü jö. Deplü poscibilites vëgn sciurades dmez. Al ultimo menüt dla partida é le Raas che fesc le pareggio. Sön l'unica dijatenziun dla difesa da La Val é le capitano dl Raas bun da se inserí y cun cun bel tiro sön le palo cürt fejel insciö le gol.

La partida se stlüsc jö sön le 1 a 1. Cun chësc prüm punt se porta La Val al 5° post te tlassifica.

 

La formaziun titolara: Kantioler Sepl, Castlunger Marco, Ploner Werner, Tavella Thomas, Sottara Werner, Frenes Daniel, Tschaffert Ivan, Rubatscher Romeo, Frenes Michael, Verginer Franzi, Rubatscher Florian.

 

Sostituziuns:

Moling David por Verginer Franzi

Nagler Max por Frenes Daniel

Sottara Freddy por Tschaffert Ivan

 

Por udëi i atri resultać drüca (ince di atri campionać) drüca: resultać