In sabeda ai 25 de Agost él gnü sughé le ritorno dla Copa Provinzia 2012/2013 de  3° categoria por La Val. La partida é gnüda sugada cuntra la scuadra da Mühlwald, fora de ćiasa. La Val se á tres stentè sön le campo de Mühlwald, ti agn passá ne esi mai stá bugn da portè a ćiasa na vitoria. Mo dô la bela prestaziun cuntra La Val Badia de amichevole, ulache La Val á davagné 0 a 2 (goi de Adrian y Max) esi jüs a Mühlwald cun na gran convinziun.

   

La Val se á tres stentè sön le campo de Mühlwald, ti agn passá ne esi mai stá bugn da portè a ćiasa na vitoria.Chësc ann ne á albü degüna chance le Mühlwald, sides tl andata co tl ritorno. Ince in sabda él stè La Val che á davagné 1 a 3. Bel da mëter man dla partida é La Val che á la partida tles mans. Insciö porta Micky La Val sön le 0 a 1. Romeo röia da sú cuntra le portier, che fesc na burta uscita y maza sot y sura Romeo te area. Por fortüna ne se al nia fat mé Romeo, ara ess podü jí fora burt. Al arbiter ne ti restel nia ater co fischié le rigore. Micky se prejënte sön le ünesc y spiazëia le portier cun en bel tiro bas.

La Val dominëia inant la paritida. Sepl tl prüm tëmp á püch y nia da fá. Ince la difesa se mostra in forma, ai é bugn da antizipé cuaji tres i atacanć dl Mühlwald. A mesa le prüm tëmp fesc insciö La Val le 0 a 2. Micky fesc en bel passaggio filtrante por Romeo, che é bun cun en bel tiro bas de prüma da fa gol. La pala röia bel avisa sot le brać dl portier ite y spo te porta. Na bela combinaziun di sogadusc da La Val. Le prüm tëmp se stlüsc jö sön le 0 a 2.

Le secundo tëmp é ince düt tles mans da La Val. Le 0 a 3 é na beliscima combinaziun danter Stefan y Micky. Stefan abina la pala püch fora dl area, cun en bel palonetto el bun da scmarchè Micky, che mët jö la pala cun le piet, se cordinëi y fesc en bel tiro al volo sön le palo lunch. En beliscimo gol dl La Val.

Ala fin dla partida él ćiamò Max che fesc testen le portier. Na gran bela poniziun che röia indere bel avisa sön la traversa.

 

Insciö passa le prüm turno de Copa La Val, davagnan 1 a 3.

 

 

 

La foramziun titolara: Sepl Kantioler, Tavella Thomas, Alton Alex, Vallazza Paolo, Tschaffert Ivan, Frenes Micky, Nagler Max, Sottara Stefan, Moling David, Rubatscher Romeo y Miribung Alexander.

 

Sostituziuns:

Miribung Adrian por Miribung Alexander

Frenes Egon por Moling David