In dumënia ai 04 de Novëmber él gnü sughé la nona partida dl campionat 2012/2013 de  3° categoria por La Val. La partida é gnüda sugada fora de ćiasa cuntra la scuadra da Olang, ulache La Val se á bele tres stentè en pü.   

La Val se stënta cuntra les scuadres plü stletes... ince in chësc iade cuntra Olang mëss La Val lascé trëi punć.

La partida á metü man dër bun por La Val. Bel tl prüm menüt é Micky che porta  Alexander cun en bel passaggio filtrante cuntra le portier da sú. Al fesc finta da trá y rientrëia spo sön le pé dërt. Cun en bel tiro prciso sön le palo cürt él bun da bater le portier. La pala atoca naota le palo y spo röiel te porta.

La Val süga bun ma i prüms menüć, dopo é Olang che vëgn tres plü bugn. Ai manacia bel dô da na cherdora da fá le pareggio. Sön en rimpallo te area, röia en sogadú dl Olang sön la pala al ne atoca nia dërt mo la pala röia impó bel sön le incrocio de porta. Na gran fortüna por La Val. Püch dedô röia na testa dl Olang sön calcio d'angolo püch sura traversa fora.

Mo amesa le prüm tëmp ti garetel spo le pareggio. Al röia adalerch te area da La Val en bel cross sön le prüm palo. Le atacant vá deciso cuntra la pala y é bun da oje ite le palo te porta. Le defensur da La Val é stè massa tardí y ne é nia plü ruvé sön le pal. 5 menüć dedô él spo en rigore por Olang. En sogadú se porta ite te area y cun na bela finta el bun da tí jí dlungia ia a en defensur. Spo röiel adalerch l'ater defensur cun na spallada sciürel jö portera le pice atacant. En rigore che an pó dè mo nia netto.

Mo Sepl é bun da chirí fora le dër piz y para insciö. La gran parada de Sepl tëgn ćiamò impé la partida.

Mo denant che le prüm tëmp se röia se ciafa La Val ćiamò en gol, indô sön na pala inattiva. Sciöche al é bele sozedü plü gonot. En sogadú da Olang é bel sú te area y mëss ma plü apogé te porta le pal cun le cé. Le prüm tëmp se stlüsc jö sön le 2 a 1 por Olang.

Tl secundo tëmp é La Val che fesc plü druch y Olang süda ma plü sön contropiedi. La Val prô da costruí les aziuns, mo al ne vëgn nia fora gran ocajiuns da gol. Olang é prësc plü da tumëi, cun sü contropiedi. Mo ince pro vëi ti mancel la finalisaziun.

Micky mëss gní cambié fora, deache al é saltè adüm con en ater sogadú da La Val. Sön chera se al ciafé na gran tega sön le cè y na picia "Gehirnerschütterung".

 

La partida vëgn tres plü nervosa, al salta deplü gheles por falli de reaziun... che sce l'arbiter éss udü fosel desigü stè da cöcena, sides sön la pert de La Val che da Olang.

 

 

La partida se stlüsc jö sön le 2 a 1 por Olang.

Cun chisc 3 punć lascia sön trú toma zoruch La Val al 7° post. 

 

 

Proscima partida é in mercui ai 07.11.2012 te ćiasa cuntra le Percha, le recupero dla partida che ne é nia gnüda sogada por via dla nëi.

  

 

La formaziun titolara: Kantioler Sepl, Valentin Elmar, Alton Alex, Vallazza Paolo, Castlunger Marco, Miribung Adrian, Sottara Freddy, Sottara Stefan, Tschaffert Ivan, Miribung Alexander y Frenes Micky.

 

 

Sostituziuns:

Rubatscher Florian por Miribung Adrian

Frenes Egon por Frenes Micky

Valentin Lukas por Miribung Alexander

 

 

Por udëi i atri resultać drüca (ince di atri campionać ulache sogadusc da La Val süga para) drüca: resultać