3° part. ritorno campionat 2012/13 por La Val

Stampa

3.cat_2012_2013

In dumënia ai 14 de Aurí él gnü sughé la terza partida dl ritorno dl campionat 2012/2013 de 3° categoria por La Val. La partida é gnüda sugada te ćiasa cuntra la scuadra da Gsiesertal, che é prüms te campionat.

Bel dal andata á La Val mustrè de bunes prestaziuns cuntra les scuadres plü bunes. Ince cuntra le Gsiesertal el stè La Val che á fat en bel pareggio. Ince te sce te Copa Provinzia é spo La Val tumá fora cuntra Gsiesertal ai rigori, dô na partida de gran emoziuns.

Inier él indô saltè fora en pareggio, insciö resta La Val inbatüda tl ritorno.

Bel da mëter man é La Val che á na gran chance da se portè in vantaje. Stefan röia bel da sú cuntra le portier, mo so tiro röia dlungia la porta ia. Dô da chësta gran chance é La Val che ne é nia plü bugn da ruvé te partida. Al vëgn sbaglié en grüm de pales y passaggi. I sogadusc da La Val se lascia ji ite tl jüch di Gsiesri. Cun lanci y ma splundrè demez la pala.

Le prüm gol ti garate a Gsies sön na picera paperada dla difesa da La Val. Al resta na pala tl area, Egon ne é nia bun da trá demez le pal cun fora y til tira ados al atacant. Che se porta (defilé) cuntra Sepl, imped tigní la pala basa fejel en gran tiro de potënza sot la traversa ite. Sepl ne po plü fa nia y insciö é La Val sot de en gol. Tratan le prüm tëmp ne el plü degünes gran chancen de gol, sides dla pert de La Val che de Gsiesertal. Mo la partida é tres stada dominada da Gsies. En prüm tëmp zigü da scmentié por La Val.

Insciö dô les conscideraziuns dl alenadú tratan la palsa é jüs i sogadusc te ćiamp por ribaltè la partida. Chësc ann atira udü, La Val á metü man da sughé cun la pala basa y cun plü velozité. Insciö é stá bugn La Val da mëter sot a "Druck" i sogadusc da Gsies.

Romeo é le prüm che po portè le pareggio a La Val. Sön na ribatüda dla difesa resta la pala tl area, Romeo se osc y cun na mesa sborbiciata el bun da fa en bel tiro bas dlungia le palo ite. Mo le portir é bun cun na gran parada da tra fora la pala ćiamò sön la riga. Püchdedô él Micky che röia ince cuntra le portier sön en bel passaggio filtrate di certrocampisć, mo impede trá atira te porta ol se porte sön le ciamp la pala, mo inscö é bun le defensura da ti tra demez la pala.

A mesa le secundo tëmp ti garatel le gol spo a La Val. Ivan tira ite a mez na bela poniziun, Alex la sfirëia en pice püch, le zentral dl Gsies ne se aspeta nia pala te chël mumënt. Al ó trá demez mo la testa röia bel avisa te süa porta sot la traversa ite. En autogol dl Gsies che ti porta le pareggio mirité a La Val.

Püchdedô él ćiamò La Val che á na gran oportunité. Micky fesc en bel cros ite a mez, Romeo y Alex stachëia sö adüm y se destürba insciö en pü. La testa röia depüch dlungia le palo ia.

 

La partida se stlüsc jö insciö sön le 1 a 1, dô en gran secundo tëmp dl La Val. Cun chësc punt davagnè resta La Val al 6° post.

Proscima partida é in dumënia a Al Plan, le derby da Rît dales 16:00.


La formaziun titolara: Kantioler Sepl, Tschaffert Ivan, Alton Alex, Castlunger Marco, Frenes Egon, Miribung Adrian, Sottara Freddy, Sottara Stefan, Miribung Alexander, Frenes Micky y Rubatscher Romeo.


Sostituziuns:

Verginer Franzi por Miribung Adrian

Valentin Elmar por Miribung Alexander


Por udëi i atri resultać (ince di atri campionać ulache sogadusc da La Val süga para) drüca: resultać