11ª y ultima partida de campionat 2013/14

In dumënia ai 10 de Novëmber él gnü sughé la undicesima y ultima partida dl campionat 2013/14 de 3ª categoria por La Val. La partida é gnüda te ćiasa cuntra le Neustift, scuadra che gnarà ciamò in sabeda a sughé le ritorno de Copa Provinzia a La Val.

Impurmò dô l'ultima partida de campionat da d'altonn esun sta bugn de incoronè la miù scuadra dl'andata de chësc ann. Al é la scuadra da La Val, che stlüj jö chësta bela andata cun bun 28 punć y pò se god le pröm post dl girone C.

In chësta domënia ne ê le ćiamp da La Val nia tles miûs condiziuns, i sogadus á sughé döt le pröm tëmp sot ala nëi che ti tolô la visibilité y le control dl pal. Indo n iade ti và n gran aplaus a nosc publich

che sot a vigni tëmp röia adalerch a incité y dè sostëgn ala scuadra.
Chësta marcia in plö ti öga dassan ala scuadra da La Val che é bona de trà fora les ultimes forzes y davagna cuntra la scuadra da Neustift por 3 a 0.

La partida mët atira man bun por La Val che é bugn de ruvé a contlujiun cun Alexander M., le pal vëgn trat cun na bela rodada al jore sön n pal alt de Alex E., mo chësc röia de püch dlungia la stangia de porta ia.
Le Neustift se fej ince udëi, le gran laûr dl'atacant che süga amesa le zënter dl ćiamp y la defenjiun, recuperëia n grüm de pai y pò insciö fa alzè la scuadra aversara y jì plö iadi a contlujiun.
Amesa le pröm tëmp tomel spo le gol dl 1 a 0 che sblochëia le resultat. Sön na trata dal ćiantun é le defensur che rebat le pal, chësc ti röia a Micky sön le pé, la gran trata ti röia sön la giama al defensur che deviëia insciö le pal te porta por l' 1 a 0.
Dan che le pröm tëmp se röia él ciamò na gran ocajiun por La Val da recordè, cun n gran assist da pêrt de Freddy é Alex E. che röia bel sù dan le portier, mo la trata basa röia de püch dlungia porta ia.

Le arbiter sciüra la fin dl pröm tëmp sön le resultat de 1 a 0 por La Val.

Tratan le pröm tëmp él ince le burt tëmp che lascia dô, i sogadus se fej plö saurì da gestì le pal y de le tignì sot a control.

Al vëgn recuperè n gröm de pai a mezćiamp y chisc pò gnì partis fora ai atacanć che ti sciampa plü iadi ala defenjiun aversara. Do püc menüć dl secundo tëmp tomel spo le secundo gol.

Sön na trata dal ciantun é Romeo R. che abina n bel pal de cé, chësc ti röia ados al defensur sön la linea y imped le trà demez, röia le pal te porta.

Le Neustift ne à nia tröp da pêrd y insciö é l'alenadù che raforzëia l'atach cun l'inserimënt de 2 atacanć, chësc ti fej dè da capì ai sogadus da La Val che ai mëss daidé la defenjiun da La Val y devënta insciö plö compać.

A stlü jö definitivamënter la partida y a confermè le pröm post te tlassfica é le atacant Romeo che pënsa, al vëgn lancè cuntra porta y cun n bel palonet scavalchëiel le portier aversar, le defensur ne röia nia a trà demez le pal dala porta, i sogadus vëiga la rëi che bala y pò se tò jö n bel pëis dal spiné.

Da recordè é ince ciamò na gran ocajiun por l Neustift daulache le portier da La Val Sepl à fat na bela parüda. L'atacant dl Neustift é bun de se desmarché y la gran trata röia avisa sö tl sét dla porta mo Sepl é bun de rovè a parè le tiro.

Püch dô é spo le arbiter che sciüra la fin dla partida y la fin dl'andata dl campionat 2013/14.
I sogadus adöm al publich pò trà le scrai de vitoria y jì tla palsa da d'invern cun le pröm post te gaiofa.

Insciö se destaca La Val dala scuadra da Rina por 1 en punt y dal Mühlwald por 7 punć. Da nia se desmentié che La Val à ince la miù defenjiun de chësc girone.

Dô la partida él ince ciamò gnü ringrazié i sostenidus por le gran sostëgn dè pro vigni partida y plü têrt él spo gnü festejé y bagnè ite chësc bel plazamënt mirité !

Da recordè che La Val soga ćiamò in sabeda dales 14:30 te ćiasa la partida de ritorno de Copa Provinzia, indo cuntra la scuadra da Neustift.

Formaziun titolara: Sepl Kantioler, Elmar Valentin, Paolo Vallazza, Alex Alton, Marco Castlunger, Alex Elzenbaumer, Stefan Sottara, Freddy Sottara, Micky Frenes,

Alexander Miribung y Romeo Rubatscher

Sostituziuns:

Werner Sottara por Alexander Miribung (70ˆ)

Martin Ploner por Elmar Valentin (75ˆ

Felix Nagler por Micky Frenes (82ˆ)

Alenadù: Floriani Claudio

Por udëi i resultać de chësta dumënia de campionat drüca: risultati.pdf

Do la devënta de copa, chësc ultim mercui ai 11/09 cuntra le Aicha, é la scuadra da La Val buna de purtè a ćiasa 3 punc importanc. Na partida dër sintida, suradüt por l'alenadù Floriani che à alenè la scuadra dl Niederdorf por 2 agn.

I sogadusc da La Val röia sön le ćiamp cun na gran grinta y bele do da püc menüc tomel le gol dl 1 a 0. Sön n angolo éle Alex E. che ciafa le pal al limit dl' area y cun na bela trata sot la traversa portel la scuadra da La Val in vantaje.

A mëz le prüm tëmp éle Emanuel bun de radopié le resultat, sön n assist de Alexander éle bun de se controlè le pal, cun na gran finta ti sciampel al defensur aversar y cun na trata basa batel le portier.

I atacanć da La Val é bugn de tignì sö le pal y cun de beles combinaziuns esi bugn de ti sciampè plü iadi ala defenjiun aversara, mo sënza ester bugn de ji a conclujiun.

Püch dedo éle ciamò Micky che à na gran ocajiun, sön n bel preparativ röiel te area al dër mumënt, mo le tiro röia de püch sura porta fora.

Dan che le arbiter sciüra le prüm tëmp éle ciamò n atacant dl Niederdorf che abina de cé la stangia de porta sön na trata dal angolo.

Le prüm tëmp se stlüj jö sön le resultat de 2 a 0 por La Val.

Le secundo tëmp mët man cun n gran druch da pert dl Niederdorf, i sogadusc da La Val se stüda ia y se lascia fracé dala scuadra aversara.

Cun de beles aziuns röia la scuadra aversara deplü iadi dan porta y i sogadusc da La Val mëss aretrè y se parè cun dötes les forzes. Cun le gran assedio da pert dl Niederdorf garetl tosc le gol dl 2 a 1.

Sön n lancio éle dui defensurs che ne se capësc nia y röia a saltè adüm sön le pal che vëgn insciö spizoré y ti röia bel avisa al atacant aversar che cun n tiro bas é bun de bat le portier da La Val.

La nervosité crësc y la lucidité da do, i sogadusc mëss purvè a düc i cosć da defëne le resultat. Cun le gran laur de Emanuel che và a recuperè n grüm de pai sciurà demez y tëgn insciö sö le pal por che la scuadra pois se arlungé, ti garetl la dopietta al 82ˆ.

Sön n cross da na pert éle bun de se mët jö le pal de piet y cun na bela trata de ciamp sön le palo lunch siglëiel le resultat dl 3 a 1.

Al mancia ma plü püc menüc ala fin y i sogadusc da La Val stà plö defensiv por defënn le resultat.

Püch dedo él le arbiter che sciüra la fin. La partida se röia sön le resultat de 3 a 1 por La Val.

Cun chisc 3 punc davagnà se porta La Val al 3º post de tlassamënt.