Schi - L'atleta da La Val Valentina Tolpeit röia pröma tl slalom gigant ala finala di campionać VSS, che é gnüda tignida ai 16 de merz sön la pista "Prè da Peres".

 

 

 

619 é i atleć che é jüs al start inier, domënia 16 de merz, sön la pista Prè da Peres a Al Plan. Avisa 707 talënć da düt Südtirol à garejè pro les VSS/Landesmeisterschaften in chësta sajun 2013/14 y insciö éle ince gnü arjunt n record de iscriziuns. Le bel tëmp y les bunes condiziuns dla pista à fat da cornisc al bel evënt, che é gnü organisé dal SSV Pfalzen. Le gran numer de partezipanć é in competiziun por le „VSS – Landesmeistertitel“, in chësc bel dé é l'atleta Valentina Tolpeit da La Val che à albü la miù te söa categoria sön plö de 60 atletes (Cuccioli-femminile) y é insciö gnüda incoronada Landesmeisterin. Secunda é rovada Ploner Nicole dl SC Gherdëina y terza Peer Jasmin (ASC Haid Raiffeisen).

Le SC Gherdëina à portè a ciasa le punteggio plö alt, cun un n pröm post, 5 secundi post y n terzo post.

L'Uniun dl sport da La Val é capaza por le titul arjunt dala picera atleta da talënt Valentina. Uressen ince se congratulé cun Valentina por le pröm plazamënt al Nightcup 2014, la seria de gares sön pista iluminada. La sajun 2013/14 de Valentina Tolpeit é indô, sciöche l'ann passè, stada plëna de sodesfaziuns. A nosta atleta ti augurun le miù por söa gran pasciun y por les competiziuns dl proscim ann.

I resultać de Valentina ai campionać Vss pon ciafè a chësc linch: Fisi-classifica