Deutschnofen - In dumënia ai 02 de furà él gnü tignì la pröma gara de „Südtirolcup 2014/15“ a Deutschnofen sön la pista „Pfösl Riep“. Chësta competiziun ess bel messü gnì tignida ai 4 de jenà mo por impraticabilité dla pista à chësta messü gnì sburlada.

 

 

La seria positiva de resultać va inant por I atleć da La Val. Ai atleć ti gareta 3 pröms plazamënć.

Diego Tschaffert, campiun dl’ultima ediziun dl Südtirolcup ne se fej nia sciampè dant. Al defënn bun le titul y pò saltè sön le scalin plö alt de podest cun le tëmp de 0'59.61 a pié dô la medaia d’or, l’unich atlet che ti la fata in chësc dé restè sot i 60 secunć!.Al secundo post röia Manfred Gräber  da S. Laurënz y al terzo post se posizionëia Dominik Kienzner da Ratschings.

Pro la categoria dles ëres ne tularà la campionëssa da l’ann passé Daniela Erlacher nia pert te chësta sajun a gauja di stüdi. Insciö é le post por le titul lëde por na nöia atleta, tla pröma gara fej insciö Theresa Hilpold da Porsenù le miù tëmp (1’01.53). L’atleta Manuela Rubatscher fej ince le miù tëmp te söa categoria (1'04.10) y pò insciö mostrè sö n ater buniscimo plazamënt do i resultać pro les “Raika- Jugendrennen”: le pröm post sön munt de suć y le secundo post a Funes.

Novité y gran sorpresa de chësta sajun é le duo Tschaffert Diego y Moling Manuel. N ater prüm plazamënt da mustrè sö! Bel dan 2 edemes ai campionać  talians à le duo arjunt le secundo plazamënt. Cun le tëmp de 1'03.48 surpassa i ghesć ladins i dui fredesc Lambacher y fej insciö le pröm post!

La scuadra da La Val arjunj le terzo post pro la tlassifica por soma de tëmps.

N gran fin dl’edema indo por la seziun dla lüsa che pò mostrè sö de vigni sort de bugn plazamënć.

La proscima competiziun por le Südtirolcup vëgn tignida ai 7 de furà a Ulten y ai 8 de furà vegn tignida la terza gara dla "Raika - Jugendrennen" a Valdaora.

I atri resultać y plazamënć di atleć da La Val ciafen chilò: risultati

Por deplö informaziuns, por ci che reverda resultać, novitês y le program dla lüsa pon vijité la plata internet sot a chësc linch: http://www.sportrodel.it/

 

 

Foto: Dropbox