Torneo de palé a Türesc
Dër tröpes scuadres tol pert vigni ann a chësc torneo, olache al se incunta scuadres de vigni eté. I mituns se à confruntè cuntra scuadres che é de livel plü alt y à podü fà tröpa esperiënza.
Al é stè n dé de insegnamënt y sambëgn ince de divertimënt.
Inće la scuadra di U13 da La Val y San Martin à partezipé al torneo dl palé a Türesc. Te chësta categoria él indüt stè 10 scuadres. La scuadra ladina, acompagnada da Kastlunger Albert da S.Martin, à davagnè la finala cuntra Schondorf B por 3:2
I sogadus à insciö podü pié dô l’gran trofeo.
