La scuadra da La Val se descëda massa tert canche ara é bel sot de n gol, i trëi punc ti resta insciö a la sterscia scuadra dl Sest.

Tles ultims trëi partides á la scuadra da La Val incunté trëi aversars posizioná tla pert alta de tlassifica, dütes determinades a concuisté le secundo post por podei ciamó porvé a fa le salt de categoria. De De chëstes é ince le Sest ala pert, che ti á dé da asuié a la formaziun ladina l’ultima sabeda. Sön le tert dl domisdé s’á la scuadra metü sön trú por la lungia trasferta a Sest a se mosoré cun la scuadra de ciasa posizionada al mumënt a trëi punc toch ia dedô. I jogn dla scaudra da Sest mostra n bel jüch y archita sö i ladins, cun le gol che toma püch dan la fin dl pröm tëmp.

En pröm tëmp da desmuntié por i ghesc, che mëss se sotmët ala determinaziun dl Sest, püces o prësc  degünes é stades les ocajiuns por La Val. Les ripartënzes vëgn scialdi architades bel a mezciamp ulach le pilaster dl Sest, le capitan, partësc fora de bí pai ai cumpagns dant. Le verdaporta Sepl à chilò n gran laur y mëss plö iadi se destrà a desfanté val trata. La Val é impó buna de tigni bót cina püch dan la fin dl pröm tëmp, daulache le Sest á fortüna y segnëia le gol. Te na incomprensciun dl defensur y le verdaporta anuzëia le atacant le dërt moment, ti tôl le pale y le fej coguré te porta por le 1 a 0.

Cun le gol mirité por le Sest fej le arbiter jí i sogadus tla palsa.

La formaziun de Floriani röia te ciamp por la secunda pert cun n atra determinaziun, le Sest se lascia bel plan do fora y i ladins ciafa plö coraje. Cun de beles combinaziuns tl mezciamp aversar se alza la scuadra tres deplö y tosc ti gareta a Michele na gran ocajiun da gol. Sön na crossasa röia chësc sù dan le verdaporta, le palé ne rimbalzëia indere nia dërt y ti röia sót le pé, la mesa trata röia insciö dlungia porta ia. Püch do é ciamó Alexander che pro de chirí le gol dla parité: sön n palé arlungé te n gran cajin te area vëgn chësc sorví cun en preparatif a püc metri dan porta, al pro na trata de reaziun che e ruvé te porta. Al mancia ma plö püc menüc ala fin dla partida, cun en modul plö ofensif pro la scuadra ciamó de salvé le resultat mo mëss spo zede al sciür dla fin y ti lascé i punc al Sest. En pröm tëmp indurmedí ia che ti à costé trëi punc important y le secundo post de tlassifica. 

Sest – La Val: 1-0

Formaziun La Val: 1. Sepl Kantioler, 2. Luca Pescollderung, 3. Marco Castlunger, 4. Paolo Vallazza, 5. Werner Sottara (dal 70^ Egon Frenes), 6. Freddy Sottara (dal 60^ Christian Dapoz), 7. Marco Sottara (dal 75^ Michele Campei), 8. Stefan Sottara - capitan, 9. Franz Tolpeit (dal 65^ Alexander Miribung), 10. Max Nagler (dal 45^ Adrian Miribung), 11. Alex Elzenbaumer

 

Proscima partida: La Val süga süa proscima partida in sabeda  ai 23 de aurì dales 15:00 a La Val cuntra le San Iöre Junior