Finala Copa de Südtirol - Longiarü

Stampa

3._SC_Longiar_361

La sajun dla lüsa se stlüj jö cun la finala dles trëi gares de Copa de Südtirol, tignida sön la pista „Do Juvel“ a Longiarü. Diego Tschaffert fej só le titul de campiun adüm a na schira de bugn resultac portà a ciasa dai atlec ladins.

 

 

 


Lüsa – Chësc ultim fin dl’edma él gnü tignì la terza y ultima gara de Copa de Südtirol. La pista “Do Juvel” a Longiarü, chirida fora por stlü jö la sajun di liöstri, é gnüda arjignada ca te condiziuns otimales por garejé. N gran lâlt y giulan ti va al Uniun dl sport da Longiarü por la buna organisaziun dl evënt. I atlec de lüsa alta à ciamó porvé de cöie adüm val punc por la somatoria finala, i miûs é spo gnüs premià sön le tert dl domisdé. I atlec ladins, oramai bel da valgügn agn pro i plö asvelc, é ince in chesc ann da udëi sön i scalins plö alc dl podest.

Jun daimpró ia cun i resultac di atlec ladins arjunc pro l’ultima gara a Longiarü, alzan fora sciöche prüms i atlec ladins Diego Tschaffert, Alex Ploner, Lukas Peccei y Dominikus Clara (US Longiarü), che à podü pié do la medaia d’or tles singoles categories. Chiló inant düc i atri resultac tles respetives categories:  2. Rubatscher Manuela, 2. Nagler Luisa (US Longiarü), 2. Brunner Shamira y 3. Tavella Robert.

Do la premiaziun dla terza y ultima gara él sciöche vigne ann gnü trat la soma di punc concuistá tratan dütes trëi les competiziuns. Gran sodesfaziun por le campiun talian da La Val Diego Tschaffert , che pó festejé la devënta dla tlassifica generala y se aiudiché le titul de campiun de Südtirol. Cun bëgn 255 punc ti sciampa Diego dant al jonn atlet da Funes Lambacher (191 punc). La cumpagna Brunner Shamira pó ince tra le salt sön podest, cun 197 punc se posizionëia l’atleta al terzo post tla tlassifica generala dles ëres.

Tla somatoria dles singoles categories ne é i bugn resultac di ladins nia mancia, tla categoria dles aspirantes jüma l’atleta Manuela cun 197 punc de püch le podest. Stersc é i atlec plö jogn Alex Ploner y Lukas Peccei, che pó ester capazi dla medaia de brom incër le col, arjunta tles categories “Zöglinge” y “Juniores”. Tla categoria “master B1” fej Tavella Robert deperpo le 4. post y Miribung Carlo le 8. post tl grup master B. I dui atlec Nagler Luisa y Clara Dominikus dla scuadra da Longiarü arjunj trami la medaia d’arjënt tles respetives categories master B1 y Juniores.


Cun chësta finala ne se stlüj nia ma jö l’ediziun dla Copa de Südtirol mo ince la sajun dla lösa alta. In chësc ann él dessigü stè na sajun dër intensiva por i atleć da La Val, mo l'impëgn é gnü premié cun i bugn resultać che é gnüs portà a ciasa.

La Uniun dl Sport uress se congratulé daimprüma cun düc i atleć dla scuadra che desmostra na gran devoziun al' ativité y che arjunj cun continuité de beles sodisfaziuns. N gran giulan ti va dal' atra pêrt ai organisadûs y ai acompagnadûs dla seziun, che cun sò gran laûr y sostëgn dà dessigü n gran contribut a tignì alâlt le sport dla lüsa .



I plazamënć dla terza gara de Südtirolcup: risultati Südtirolcup

I plazamënć finai por soma de punc - "Gesamtwertung": resultac finai

 

 

3._SC_Longiar_024 3._SC_Longiar_035 3._SC_Longiar_064 3._SC_Longiar_341
3._SC_Longiar_348 3._SC_Longiar_352 3._SC_Longiar_362

3._SC_Longiar_3241