7ª partida de campionat rit. - Gais

Stampa

_MG_925277

La Val se descëda purmó tl secundo tëmp, döes dijatenziuns ti garantasc la devënta al Gais.





 

Sön le gran ciamp dl Gais s’á presenté i ladins por la setima de campionat. Le Gais mëss indere se asuié la devënta, dandadöt tla secunda pert, daulache La Val lascia udëi na gran intensité de jüch.
Bele al 2^ passa le Gais in vantaje sön na trata dal ciantun: le palé rebatü dala defenjiun vëgn antizipé y le sogadú sú dan porta á ma plö bria de tra lunch te rëi.
Atira do é Micky che vëgn sorví dan porta cun na crossada, la trata é indere massa alta. Le Gais fej druch inant mo röia püch a contlujiuns concretes. Gran ocajiuns ne éle insciö nia da alzé fora cina la fin dla prüma pert.
Tl secundo tëmp se descëda La Val y á le jüch tles mans por gran pert dl tëmp. Sön deplö crossades röia i atacanc a rebat de ce, intres indere cun mancianza de prezijiun. Al 55^ pro Stefan la trata dal limit, le portier la desfantëia indere cun i pügns. Püch do ciafa le medemo ciamó n iade le palé sön le pé al limit, la trata röia indere de püch dlungia la porta ia. Al 70^ pro ince Alex na trata al jora, indere massa debla por le fa ruvé te porta. Le bel jüch ladin vëgn indere archité al 88^ cun la repartënza aversara sön na dijatenziun di ghesc, chiló é la combinaziun di passaji fatala. La crossada amez röia avisa al atacant che á ma plö bria de apogé te porta por le dopl vantaje. Insciö se röia ince i nonanta menüc de jüch. Les püces dijatenziuns é gnüdes paiades sëch cun trëi punc scincá ai aversars. A La Val ti spetel insciö na partida importanta chësc fin dl’edema, le derby da duman cuntra le ACD Val Badia.

Gais – La Val  2-0

Formaziun La Val: 1. Sepl Kantioler, 2. Luca Pescollderung, 3. Campei Michele, 4. Christian Dapoz, 5. Marco Castlunger, 6. Paolo Vallazza, 7. Micky Frenes (dal 70^ Egon Frenes), 8. Christian Terza (dal 45^ Daniel Frenes), 9. Franz Tolpeit, 10. Stefan Sottara –capitan (dal 85^ Patrick Miribung), 11. Alex Elzenbaumer (dal 86^ Adrian Miribung)

Proscima partida: La Val süga duman sabeda dales 16:30 te ciasa cuntra le ACD Val Badia
Atri resultac:

Altherren (La Val): Schabs – La Val  3-3
Juniores (La Val/Mareo/Rina): La Val – Tscherms Marling  0-3
Aliefs (Mareo): Stegen – Mareo  6-3
U-10 (La Val): Team 4 – La Val  1-4
X

 

 

 

 


 

 

 

 

 

Juniores Pool (La Val/Mareo/Rina/Val Badia): La Val – Schlern: 0-2

Aliefs (Mareo/La Val): Mareo – Val Badia: 1-2