1ª partida de campionat - Neustift

Stampa

DSCF19d60

La lungia palsa s’á fat sintí tla prüma de campionat. I stersc aversars da Neustift indere castighëia a dovëi la scuadra ladina.





Ince por La Val él indo gnü le moment de se mostré al publich, do la lungia palsa a gauja dla sospenjiun dla sajun de retüda. Tratan la sajun da d’isté é gnü a se dé valgünes modaziuns tla formaziun ladina, gran novité é la nöia direziun dla scuadra, che ti é gnüda surandada tles mans a Costabiei Patrick da La Plí sciöche prüm alenadú, cun l’aiüt de Castlunger Albert d’Al Plan y Miribung Eppe da La Val. Sciöche prüm aversar dl rode C de 3. categoria incunta i ladins le Neustift, aversar bel ciarcé l’ann denant, che pëia ia sciöche favoric dl rode. Che al é na scuadra sterscia an udü tla prüma partida, ince sce La Val ti la fata saurida de deplö momënc. Jun daimpró ia cun i avenimënc tratan la partida.

Tla prüma cherd’ora röia i ladins cun le ce te ciamp y tëgn ci bun l’avanzada aversara. Ince val repartënza ti gareta, chilò indere é l’ultim passaje che ne röia nia a destinaziun. La partida se oj spo do n önescmetri cunzedü al Neustift, dër tl dübe, che ti da coraje ai padruns de ciasa. Le bel jüch é tles mans di aversars y i ladins mëss les purvé dles dütes por tigní dalunc le palé dala porta. Le secundo gol röia indere ala mesora, daulach sön na ripartënza ti sciampa l’atacant ala defenjiun y pò jì sú a tra te porta. Ince le nervosism se fej sintí y les dezijiuns dl’arbiter ne ti va nia jö i ladins: por se paré, ti mostra le mandl fosch plö chertes gheles ai sogadus. Al 44’ ti taia ciamó le terzo gol les iames ai ladins, y chësc püch dan le pröm tëmp.

Le secundo tëmp asumiëia anfat ala prüm, cun le Neustift che drüca i ghesc te süa mezciamp. Da alzé fora la gran parada dl portier Sepl, che se destira al 60’ cuntra l’incrujiada de porta a deloj te ciantun na trata de puniziun a bót sigü. Le Neustift é ciamó bun de radoplé le vantaje dl prüm tëmp, cun bëgn trëi goi, ince avantajá por fai individuai di sogadus da La Val. La partida va tosc a piz cun na devënta miritada por i aversars, che á desmustré bel atira de avëi les chertes por fa en bun campionat! Por i ladins na bela leziun, che doss lascé na merscia costrutiva por les proscimes partides.


Neustift – La Val  6-0


Formaziun La Val: 1. Sepl Kantioler, 2. Paolo Vallazza (dal 62^ Walter Miribung), 3. Thomas Ploner, 4. Max Nagler, 5. Ivan Tschaffert, 6. Luca Bernardi (dal 48^ Philipp Moling), 7. Michele Campei, 8. Stefan Sottara – capitan (dal 82^ Andreas Campei), 9. Martin Menazzi, 10. Christian Terza (dal 62^ Simon Campei), 11. Alex Ploner (89^ Francesco Bergottini)


Proscima partida: La Val süga en duman sabeda dales 15:00 te ciasa cuntra le Wiesen


Atri resultac:

Altherren (La Val): Dietenheim – La Val: 5-0

U10 (La Val): Gitschberg – La Val: 9-1