3ª partida de campionat - Wiesen

Stampa

La_Val_Rina

Le Wiesen mëss se trá ite les manies cuntra le La Val. Al á mancé püch da porté a ciasa le prüm punt de campionat.

 





L’ultim fin dl’edema s’á la formaziun de Costabiei metü sön le lunch trú por jí a Wiesen a se mosoré cun la scuadra de ciasa. Na partida ria sön le papier, conscidran les prümes döes devëntes pesoces dai aversars te campionat. I ladins röia te ciamp a boc cun carater y fej asuié le Wiesen denant co arjunje le vantaje. Cun deplö determinaziun y ince en pü de fortüna fossel garaté da porté a ciasa almanco un en punt.

A rové por prüms dan porta aversara é le La Val, cun na bela aziun dal mezciamp röia Michele C. da na pert ite sú cuntra porta, al chira le compagn te area mo le curan vegn delot dal defensur te ciantun. Ala cherd’ora pëia ia na trata dal ciantun te area dl Wiesen, le sogadú a mezciamp Max é bun de spizuré le palé cun la piza dl pé de n pulan dlungia le pé de porta ia. Le Wiesen se descëda ince y costruësc de beles aziuns asveltes, al 25^ röia l’atacant bel sú dan porta ladina, Sepl indere tëgn sö la trata cun savei. Atira do sön trata dal ciantun röia le sterch Hochrainer a rebat de cé, le pale por fortüna röia de püch nia te rëi. Al 37^ fej l’atach aversar ciamó tromoré la porta con na trata sëcia sön le pé.

Tla prüma pert dl secundo tëmp se destüda ia la formaziun ladina, i aversars ti sciampa plö iadi y röia a plö contlujiuns, impormó al 62^ röia indere le vantaje. Sön na trata debla dl Wiesen ti sciampa al portier ladin le curan fora dles mans, l’atacant aversar apogëia le palé cuntra porta, al’ultim pro ciamó i defensurs dla trá demez mo vëgn antizipá al’ultim dal’atacant Holzer che splundra te porta. Le La Val crëi inant y á na buna ocajiun al 80^: Alex E. vëgn sorví al limit da Michele, al controlëia bun y se gira ala trata, le portier mëss se destrá por deloj te ciantun. I menüc por recuperé la partida vëgn tres manco y la defenjiun de ciasa fej bun só laur y ti conzed püch y nia ai ladins. Insciö resta ince tla terza partita i ladins a süt.


Wiesen – La Val   1-0


Formaziun La Val: 1. Sepl Kantioler, 2. Thomas Ploner (dal 75^ Natan Colletta), 3. Michele Campei, 4. Max Nagler, 5. Paolo Vallazza, 6. Denis Erlacher (dal 75^ Martin Ploner), 7. Philip Moling (dal 70^ Simon Campei), 8. Stefan Sottara – capitan, 9. Christian Terza (dal 80^ Walter Complojer), 10. Alex Elzenbaumer, 11. Alex Ploner (dal 80^ Alex Rubatscher)


Proscima partida: La Val in duman sabeda dales 15:00 te ciasa cuntra le Pretau


Atri resultac:

Altherren (La Val): Schabs – La Val: 1-4

U-13 (La Val/ Alta Badia): Obopuschtra – La Val: 8-1

U-11 (La Val): Ahrntal – La Val 13-0

U-9 (La Val): Gais/Uttenheim – La Val 7-0