1ª partida de campionat - Uttenheim

Stampa

DSCF19d60

Nia da nen fa cuntra l‘aversar da Uttenheim, che segnëia tla secunda pert dla partida y fej insciö sü i prüms trëi punc te campionat. Le La Val se stënta indere sön le ciamp fora de ciasa y röia a boc nia te partida cun le ce.





Tla prüma pert é indere trames scuadres che ne se sbilancëia nia plö d’intan, chësc por ne rischié nia de ruvé ala palsa en svantaje. A boc se lascia odëi le La Val de plö, cun le dërt pressing ti tôli plö iadi le curan y davagna cotantes puniziuns dal limit, chëstes indere ne vëgn nia trates indertöra. Al 30^ manacia le Uttenheim de jí in vantaje: la crosdada amez vëgn rebatüda al jore de püch dlungia porta ia.

Tl secundo tëmp é spo l‘aversar co comana, la grinta é grana, deperpo che chëra ladina resta zeruch te cabina. Valgünes inzertëzes dla defenjiun porta i atacanc aversars susc dan porta: Sepl mëss plö iadi se destrá a paré l‘imposcibl. Al 73^ spo la duscia frëida, sön na dijatenziun röia l‘atacant ala trata, le palé röia naota da na pert fora y vëgn indo crossé amez, aulache le sogadú Santer á ma plö bria de apogé tla rëi. Tl‘ultima cherd‘ora mëss i ladins vaghé val inplö, manacian ince le radopl aversar. Impó ne vara nia de avalié le resultat y insciö mëss i ghesc ti la dé buna ai aversars. Na pordüda antia da dlotí, cîs pro la prüma de campionat.


Uttenheim - La Val 1-0


Formaziun La Val: 1. Sepl Kantioler, 2. Thomas Ploner (dal 65^ Walter Complojer), 3. Michele Campei, 4. Luca Bernardi (dal 80^ Alex Ploner), 5. Paolo Vallazza, 6. Denis Erlacher, 7. Felix Nagler (dal 53^ Christian Terza), 8. Stefan Sottara – capitan, 9. Martin Ploner (dal 76^ Alan Erlacher ), 10. Alex Elzenbaumer, 11. Philip Moling (dal 84^ Marco Miribung)

 

Proscima partida: La Val süga en mercui te Copa Provincia dales 20:00 y en sabeda te campionat dales 15:00 te ciasa le derby ladin cuntra Rina

 

Atri resultac:

Altherren (La Val): Rodenech – La Val: 1-1

U-15 (Val Badia/La Val): Val Badia – San Laurenz: 0-0

U-13 (La Val/ Alta Badia): Rasen/Antholz – La Val: 4-3

U-11 (La Val): Dietenheim – La Val 14-0