Lukas Peccei fej or ala gara de copa dl monn a La Plagne
La sajun dla lüsa sön pista artifiziala á bele metü man. Te chësta sajun él ince indo 2 atlec da La Val ala pert: LUKAS PECCEI y PHILIPP BRUNNER. I dui atlec roda bel da deplö edemes por l'Europa por se preparé cun determinaziun ala sajun che á metü man. Miú ne ti pudora nia jí a LUKAS, che tla gara de Copa dl Monn Juniores "A" a La Plagne tla Francia, á dominé la pista mostran sö le miú tëmp tles döes manchen 1:31.23' y stica l'american Mueller Marcus cun +0.312 y l'austriac Zauser Fabio cun + 0.665 de svantaje.
Le compagn PHILIPP stlüj jö la gara al'undicejim post cun le tëmp de 1:33.17'. L'uniun se congratulëia por le bel resultat arjunt y ti aoda inant tröpa ligrëza y de gran sodesfaziuns te chësc bel sport!