3ª partida de campionat rit. - Pretau

Stampa

La_Val_Rina

Prüma devënta d’aisciüda por La Val che fej sü i trëi punc fora de ciasa, do na partida ria cina la fin.




 

 

Do les prümes prestaziun de jüch d’aisciüda cuntra le Uttenheim y le Wiesen s’á metü la formaziun da La Val sön trú por jí a Pretau a sughé cuntra la scuadra de ciasa. Sciöche vigní cunfrunt cun chësta scuadra, se aspeta i ladins na ria partida, y insciö era ince stada. Pía ia dala Val Badia cun en cil sarëgn, é i sogadús ruvá a Pretau tl burt tëmp, cun nëi y le vënt co soflâ, nia les miús condiziuns por sughé, mo ince a chësc esi prepará.

La partida mët man cun le La Val al comane, la lerch da sughé é grana, indere tröc palés vëgn gestis nia bun y tröc sciurá demez. Te ciamp pon bele ti prüms menüc sintí en gran nervosism. Al 10^ vëgn Felix sorví dal mezciamp cun en palé alt, al röia jö cuntra porta mo ne concretisëia nia a dovëi.

Le La Val concuistëia tröc palés mo stënta tres danü da sughé fora i aversars. Le grop vëgn impó deslié al 37^ da Stefan, che anuzëia en palé chit al limit dl’area por tra bass cuntra porta. La trata vëgn de püch deviada dala defenjiun y röia dlungia le pé de porta ite. Püch do apogëia Alex E. le palé por Stefan a mez area che pro danü cuntra porta, le curan röia de püch dlungia ia.

Ince sce le tëmp ne miorëia nia, se scialda i spiric di sogadús tla secunda pert dla partida. Le Pretau se fej inant y devënta plö ofensif deperpo che i ladins pro de gestí le jüch y pro de radopié le resultat. Tröpes é les aziuns ladines cuntra porta aversara, gunot é indere ince le vënt che ralentëia l’aziun y insciö ince l’intensité de jüch. I iadi che an röia dan le portier é la trata massa debla o nia indirazada cuntra le spidl de porta, por chësc ne mëss le un dl Pretau nia fa gran parades. Ti ultims menüc se para ciamó le La Val dal druch aversars y s’á de msei porté le resultat a düc i cosc de cabina. Insciö era ince sozedüda. Bele damperfora s’aspetâ i ladins na partida nia saurida, insciö era ince stada. La devënta fej por chësc bun por le proscimes partides co vëgn.

Pretau – La Val 0-1


Formaziun La Val: 1. Sepl Kantioler, 2. Marco Miribung (dal 55^ Nathan Colletta), 3.Paolo Vallazza, 4. Simon Campei (dal 75^ Max Nagler), 5. Alex Ploner, 6. Christian Terza (dal 45^ Mattia Mutschlechner), 7. Alex Elzenbaumer, 8. Stefan Sottara – capitan, 9. Felix Nagler, 10. Martin Ploner, 11. Philip Moling (dal 80^ Andreas Campei)

Gol por La Val: Stefan Sottara al 37^



Atri resultac de chësc fin dl'edema:

U-15 (Val Badia-La Val): Völlan Tisens – Val Badia 2-1

U-13 (La Val): La Val – Obopuschtra Jugend 1-4

U-11 (La Val): La Val – Ahrntal 0-3

U-9 (La Val): La Val – Gais/Uttenheim

I sogadús da La Val mostra na bela prestaziun cuntra i prüms de tlassifica. La fortüna ne é indere nia dala pert di ladins, che ti da para i trëi punc dla devënta.