Lukas Peccei y Philipp Brunner da La Val pó mustré sö na prestaziun de bravüra sön i liöstri te chësta sajun passada.

 

I dui atlec da La Val, amanc dla lüsa sön pista artifiziala, va a scora dl sport a Mals y á tut pert chësc invern a les competiziuns de copa dl monn Jugend A tla Francia, Austria y ti paîsc tudesc. Bele tl’ann 2020 dan la pandemia, á podü Lukas ciarcé la competiziun an livel cotan alt, süa partezipaziun ales olimpiades joniles a Louisanne tla Svizera ti á porté la prüma esperiënza a livel alt. Tles prüms gares a mët man de dezëmber 2021 él gnü coiü adüm i prüms punc dla sajun, cun Lukas che á podü trá le salt sön le scalin plö alt a pié dô la medaia d’or tla gara a La Plagne tla Francia, deperpo che Brunner Philipp á podü mustré sö le 11. Post. Tl medemo post le dé dô garetel ciamó en 2. post por Lukas. En 3. post ti gareta ciamó al atlet tles gares a Igls tl’Austria y a Oberhof ti paîsc tudesc. Tla secunda gara a Oberhof toma l’atlet jö de lüsa, ruvan al travert cun le setim miú tëmp. Philipp se posizionëia al 11. post tles gares a La Plagne y tla prüma gara a Oberhof, deperpo a Igls röiel ti miús 10 mostran sö le 8. Post. Pro la secunda gara a Oberhof ti schechera a Philipp, al fej le 14. post final.

Te tlassifica generala por soma de punc, do dütes les gares, se posizionëia Lukas al 3. post cun 371 punc, deperpo che Philipp se archita al 8. Post cun 172 punc.

Gran sodesfaziun se tôl i dui atlec pro i campionac taliagn  Jugend A a Igls tl’Austria, cun Lukas che fej le 1. post dan Philipp al 2. post.

Sön le program él ciamó gnü a se dé na competiziun a pert, plö avisa na challenge a livel mondial. Ince chiló i dui jogn a mostré sna gran prestaziun, mostran sö i miús tëmps dla competiziun!

Na sajun de gran sodesfaziuns por i atlec, che pó insciö se mosoré dancá cun la concorënza. De gran complimënc por i resultac  y les miús aodanzes por le dagní te chësc bel sport i va da pert dl’Uniun dl Sport da La Val, che ëi pois avëi inant tröpa ligrëza y tröpa motivaziun.