2ª partida de campionat rit. - Wiesen

Stampa

La_Val_Rina

I sogadús da La Val mostra na bela prestaziun cuntra i prüms de tlassifica. La fortüna ne é indere nia dala pert di ladins, che ti da para i trëi punc dla devënta.





 

I sogadús da La Val mostra na bela prestaziun cuntra i prüms de tlassifica. La fortüna ne é indere nia dala pert di ladins, che ti da para i trëi punc dla devënta.

Ara ne á nia orü ester, chësc iade é la pordüda stada ciamó plö antia da dlotí. La mentalité iüsta ne fala nia, la motivaziun é grana y la determinaziun te ciamp pon odëi por gran pert dla partida. Al é indere le Wiesen, atualmënter al comane dla tlassifica, che se porta a ciasa cun en pü de fortuna trëi punc dassënn asuiá.

Bele sciöche la partida da denant é i padruns de ciasa che vá in vantaje. Chësc iade al 12^ cun Alex Ploner, che lí bun la direziun dl palé trat de puniziun da Alex E. y devié dal mür defensif, che röi al defensur. Chësc chira le pé lunch de porta cun na bela trata che ti gareta ince. Do le gol ne passel nia tröp tëmp che Rubatscher Alex ne vëgn nia pordené dal’arbiter; le sogadú desgort dal ciamp por dopla amoniziun. Chësc ne dëida nia i ladins che se stënta a se organisé danü y subësc tosc al 42^ le gol dl per. Sön na lungia crossada sura la defenjiun ite röia l’atacant Strickner a apogé te porta. Les döes formaziuns va tla palsa sön le resultat de 1-1.

Ince sce cun un en mandl demanco ne se fej la formaziun de Costabiei nia pesté sot y costruësc ince val bela aziun cuntra porta aversara. Al 62^ manacia i ladins de jí indo in vantaje sön trata de puniziun dai 30 metri, Philip M. tira sëch cuntra porta, le portier mëss se destrá por desfanté la trata, le palé rebat insciö sön la stangia de porta. Ince sce le Wiesen drüca dassënn cuntra porta ladina ne ti garetel nia gran ocajiuns. Fortuná é i aversars dal 71^: la defenjiun da La Val ó trá demez le curan rové dan area mo le defensur abina mal le palé che röia sura le portier Sepl it te porta ladina. Na duscia frëida por I sogadús che cina a chësc momënt á tigní le resultat ti pügns. Impó ne arbassa chisc nia le ce y pro danü. Al 82^ pro Stefan na trata alta dal limit dl’area cuntra porta, ince chësta rebat de plegn cuntra la stangia. Ara ne ó nia ester, i singui evënc tratan la partida á influnzé dassënn l’andamënt. Tröp á paisné pro chesta partida, madër nia indere i trëi punc, che foss der ütli. Sce an porta inant la iüsta determinaziun sciöche chësc fin dl’edema podará La Val dessigü mostré sö na deventa.


La Val – Wiesen 1-2


Formaziun La Val: 1. Sepl Kantioler, 2. Natan Colletta (dal 55^ Thomas Ploner), 3.Paolo Vallazza, 4. Simon Campei, 5. Christian Terza (dal 75^ Mattia Mutschlechner), 6. Alex Ploner, 7. Alex Miribung (dal 70^ Felix Nagler), 8. Stefan Sottara – capitan, 9. Alex Rubatscher, 10. Alex Elzenbaumer, 11. Philip Moling (dal 65^ Martin Ploner)

Gol por La Val: Alex Ploner al 12^


Proscima partida: La Val süga in duman sabeda santa dales 16:00 a Pretau cuntra la scuadra de ciasa


Atri resultac de chësc fin dl'edema:

Altherren (Copa Provinzia): Schabs – La Val 2-3

U-13 (La Val): Mareo – La Val 13-0

U-11 (La Val): Alta Badia – La Val 3-0

I sogadús da La Val mostra na bela prestaziun cuntra i prüms de tlassifica. La fortüna ne é indere nia dala pert di ladins, che ti da para i trëi punc dla devënta.