9ª partida de campionat - Gitschberg

Stampa

La_Val_Rina

Na sfilza de ocajiuns cuntra le Gitschberg, che ne vëgn nia concretisades a dovëi. Le La Val stlüj jö le campionat d altonn cun na pordüda ajia.






Na partida der importanta chëra cuntra le Gitschberg, che ti ess pormetü al La Val de ti sciampé dant y stlüj jö le rode d altonn cun en edl brüm. Le La Val dominëia la partida mo subësc dui goi sön döes sores ocajiuns.

Bele ti prüms menüc comana la formaziun ladina le jüch. La posiziun sön le ciamp, la dërta mentalité y la vöia de davagné stimenëia. Indere dan porta mancel la fan de segné le gol, ince le portier aversar mëss se de da fa por defënn le resultat. Fora dl miú momënt por La Val davagna le Gitschberg na puniziun a mezciamp: l´ atacant é asvelt y abina bun le palé arlungé. Le portier Alex ne pó fa nia y i aversars va in vantaje cun na trata bassa dlungia le pé de porta ite.

Inant pro le La Val al 30ejim cun na crossada sön Felix che pro de rebat de ce cuntra porta, le portier deloj te ciantun. Plö iadi pëia ia trates dal limit dl area, intres é le palé massa alt o massa debl.

Tla secunda pert raforzëia le Gitschberg la formaziun cun val sogadú plö da esperiënza y chësc cunëscen ince ti prüms menüc. Al é indere indo le La Val che se mostra: al 56ejim preparëia Alex E. en bel palé amez por Matti che tira sön le pé lunch de porta. Püch do indirizëia Stefan na puniziun cuntra l´ incrujiada de porta, le portier é reatif a desfanté la trata. Al 76ejim avaliëia Alex E. le resultat cun na bela trata de puniziun sot la stangia de porta. Le gol deura indo la partida y i ladins pro danü de chirí le vantaje. Martin Ploner se presentëia ince sú dan le portier, la bela trata indere vëgn architada sö dal’ un aversar. Do che l’
arbiter mostra sö i menüc de recuper davagna le Gitschberg ciamó na puniziun a mezciamp. Le palonët lunch röia sot la stangia de porta ite. La rëi co bala é sciöche na saíta jö por le spiné di sogadús che mëss lascé le ciamp cun na pordüda antia.

En final d‘ altonn nia plajor. Sce an ciara l’ andamënt dles ultimes partides ess i ladins dessigü merité deplö, indere la mancianza de determinaziun, specialmënter dan porta, i á fat resté por dì tëmp sënza goi. Sëgn é ciamó sön le calënder döes partides de Copa Provinzia denant co jí tla palsa da d invern, daulache la formaziun pó recuperé forzes nöies y se organisé danü por la sajun de retüda.

Gitschberg – La Val  2-1

Formaziun La Val: 1. Alex Pedevilla, 2. Alex Ploner, 3. Thomas Ploner, 4. Max Nagler, 5. Paolo Vallazza, 6. Christian Terza, 7. Philipp Moling, 8. Stefan Sottara – capitan, 9. Felix Nagler, 10. Mattia Mutschlechner, 11. Alex Elzenbaumer

Gol por La Val: Alex Elzenbaumer al 76ejim

Alenadus: Patrick Costabiei y Albert Castlunger


Proscima partida: La Val süga süa proscima partida de Copa Provinzia duman sabeda dales 14:30 a San Valentin cuntra le Oberland

Atri resultac

U12 (La Val)  Stegen – La Val  7-0

U10 (La Val)  Alta Badia – La Val  1-0