Te na partida ezitënta cina la fin é la formaziun pustra buna al’ultim menüt de ti tó i trëi punć ala scuadra da La Val, che mëss insciö ti surandè le comane de tlassamënt adüm al Sest.
N bun punt à i ghesć ladins condüt a ćiasa l’ultima sabeda. La Val s’à indormedì ia le pröm tëmp, mo à spo mostrè carater y determinaziun a avalié le resultat.
Adüm ai intervënć al ćiamp dl sport "Plans" él inće gnü punsè de dortorè sö y depënj i mürs blanć y frëić dl "bar sport". A tó sö l'inciaria é stè le śogadù y mëmber dl comité Egon Frenes adüm al śogadù Adrian Miribung.
