Ai 14 de Furá el gnü organisé la gara dla lüsa dles uniuns it en Ramëi. Düt adüm êl nü Uniuns: Stüdafüć, Uniun dl Sport, Musiga, Uniun Ei, Uniun Eres, Schira Jonila, Jagheri-Peiapesc y la jöneza da paur. Dales 13:30 à i concorënć podü piè jö y porvè fora la bela nëi dla pista dla lüsa Aôi. La gara ne nia ma da jí jö cun la lüsa, mo al ê inće dui jüć a mesa ite. Pro le prüm jüch messa i concorënć tra fora plü pësc poscibili te 40 secunć, vigni pësc trat fora valo 3 secunć pur i ëi y 7 secunć pur les eres e i mituns, che gnê spo trać jö dal tëmp total.
Da dezember 2009 inant, vigni mertesc, vegnel organisé da Deiaco Thomas y Sottara Freddy, en ora y mesa de calcio te palestra pur i mituns U-10 y U11. Al se fesc der plajei udei che chesta manifestaziun é gnüda tuta sö cun ligreza dai mituns. Basta udei che al é presc vigni iade söi 20 mituns che tol pert. Al vegn fat scialdi en torneo cun 4 o 5 scuadres.
Ai 02.01.2010 él gnü organisé dai jogn da Rina le prüm torneo de calcetto te palestra. Le torneo á metü man dales döes cun les prümes partides. I gioroni ê formá da 4 scuadres, al passa inant les prümes dös scuadres. Al ê en grüm de scuadres dla Val Badia mo ince en per de foradeca.Tratan le torneo an pudü udei de bi goi e de beles aziuns, ince sce la palestra e valgamia picera.
