Incö, domënia ai pröms de jügn, él gnü sughé l'ultima partida d campionat por la scuadra de 3ª categoria da La Val, fora de ćiasa cuntra la scuadra da Neustift. Na partida dër combatüda y miritada dla pröma pêrt, mo plö sofrida tl secundo tëmp. Ala fin é trames scuadres che se partësc i punć, cun le resultat de 1 a 1.
Inier, domënia ai 25 de mà él gnü sughé la penultima partida de campionat de 3ª categoria sön le ćiamp da La Val cuntra la scuadra da Prettau. Na bela prestaziun dla scuadra, che arjunj cun chësta bela devënta de 4 a 1 i 50 punć tla sajun 2013/14. Dô chësc fin dl’edma de campionat ti va ala scuadra da Rina de gran complimënć da pêrt dl U.S. La Val por la promoziun te 2ª categoria.
In sabeda ai 17 de má él gnü sughé la nona partida de campionat de 3ª categoria indô fora de ćiasa cuntra la scuadra da Aicha. Ince sce La Val pò sperè tla promoziun cun les partides de dezijiun, ne éle gnü lascè degügn punć sön le bel ćiamp a Aicha. La Val porta a ćiasa la devënta por 2 a 1.
L' Uniun dl Sport da La Val lascia alsavëi che la 16° ediziun dl Torneo de Nöt in chësc ann vëgn tignida tra la nöt di 12 y 13 de messè 2014. Deplö informaziuns gnará ciamò publicades plü inant.
Insëra, mercui ai 23 de aurì él gnü sughé l’andata dla semifinala de Copa Provinzia cuntra la scuadra da Ritten, che süga le campionat três te 3 categoria mo te n ater girone. La scuadra da La Val à incuntè na scuadra sterscia, che à lascè udëi sües cualitês portan a ciasa la devënta por 2 a 0. Ai 7 de mà gnaral sughé le ritorno sön le ćiamp dl Ritten.
8ª partida de campionat rit. - Mühlwald
In dumënia ai 11 de mà él gnü sughé la otava partida de campionat fora de ćiasa cuntra la scuadra da Mühlwald. Ince sce les condiziuns dl ćiamp ê plö da nodadoia, é l'arbiter che à impò tut la dezijiun de sughé la partida. A la fin é les döes scuadres che se partësc i punć do na gran batalia de paltan y ega.
